A dhipaga omukiintu gwe

0
323

Victoria Kaapanda

OKALONGO- Ompangulilo yaMangetalata inayi gandja ompito yokutya sha komulumentu, omukwashigwana gwaAngola ta tamekelwa edhipago lyomukiintu ngoka anuwa ali ye na ekwatathano lyopaihole.

Omulumentu nguka a yambukile pushindalongo moAngola gwedhina Hipangelwa Hakwenye Hafeni 23, okwali a holoka mompangu yaMangestrata mOutapi omandaha goshiwike shika, ashike omupanguli kali e mu pa ompito a tye ko sha kiikulumuna teyi popilwa.
Oshipotha oshali sha undililwa momasiku Okotoba 15 omvula ndjika, opo ku gandjwe ompito yagwana kopolisi ndjoka natango tayi nini omakonaakono moshipotha shika.

Otaku hokololwa kutya omulumentu ngoka okwa li a kutha omukiintu gwe omwenyo sho a li e mu tsu nombele iikando oyindji montulo, mepunda, komagundji.

Omupopiliko gwopolisi mOmusati Lineekela Shikongo, okwa ti oshiningwanima osha li sha ningwa ongulohi yEtitano potundi 22:30. Ta gwedha po kutya omulumentu nguka a kutha omuholike gwe omwenyo Monika Tuuludeni Ndatilowala Pedro ngoka a yambukile komukunda Oshomukwiyu mOndjiva moAngola gwoomvula 25, okwa kala nale e na iipotha kombinga yomahepeko goomeme yalwe yi ili.
Lineekela ta ti oshiningwanima osha li sha ningilwa pokati kosikola yaLucas Dama Primary School naThomas Tuutaleni Combined School nanakudhipagwa opo a li a hulithile mpoka.

Nakudhipaga okwa li a fadhukapo, sho a mono kutya omufudho gwa pu mo nokwa li a kwatwa esiku lya landulako, sho a li a kongwa kopolisi nokwa li a kwatelwa momukunda Olupandu moshitopolwa shaMusati.

Aakwanezimo yaPedro oya tseyithilwa, nombele ndjoka ya li ya longithwa okukutha Pedro omwenyo oya li ya monika. Omakonaakono gopolisi oge li metifa opo ya vule okumona shoka sha etitha edhipago.

Pedro okwa landula Helvi Kanana ngoka naye a li a dhipagwa komuholike gwe oshiwike sha zi ko moshitopolwa shaHangwena, takuhokolwa kutya Kanana okwa li a kuthwa omwenyo sho a li a tsuwa momutse noshinima shondungu inashi tseyika natango.
Oshiwike sha zi ko omukiintu gwedhina Magano nofani inayitseka, e li mepipi lyoomvula omilongombali nasha, okwa li a adhika i imangeleka molukanda Evululuko mOshakati. Nakusa ina thiga a nyola shoka sha etitha eso, naampoka a yambukile inapu tseyika natango ashike opolisi oyi li metifa okukonga ezimo lyaMagano.

Oshiponga shoshihauto osha li sha faalele omwenyo gwa Mateus Iiyaloo Iileka puAdolf mOndangwa, a zile komukunda Uukelo moshikandjohogololo Olukonda oshiwike sha zi ko, otaku hokololwa Mateus a li ta hingilile, ohauto ee tayi gu ko kopate. Aafalelwa ye li yatatu oya li ya ka mona uuhaku koshipamngelo shaShakati.

LEAVE A REPLY

Please enter your comment!
Please enter your name here