Jomolizo a thindikilwa kengathithi pOnekwaya

0
1614

Maria Namupala

ONEKWAYA – Engathithi lyaakwashigwana oshowo aapambele yomuhikingalo a tseyika nawa moshilongo nakusa Halweendo Moses Jomolizo, oya gongala olyomakaya pegumbo lya yinakulu momukunda Onekwa moshitopolwa shaHangwena nokugandja esimaneko lyawo lya hugunina.
Jomolizo okwa hulitha ombaadhilila momasiku 31 Juli nuumvo, moshipangelo shaNgela konima sho ali ayakukilwa kuuwehame ombaadhilila. Otaku hokololwa ali tanu pamwe nookuume ke, nokwali a tameke tazi oombinzi miitopolwa ye yokomutse, shoka sheeta a falwe koshipangelo moka a taambelwa moombete kakele okwaka hulitha lwanima.

Jomolizo okwiimba oongalo odhindji, moka atseyika nawa nokangalo kaandjetu na wulwe owundji, okwa kala nokugandja etumwalaka tali pitile moongalo, nolundji okwa kala ha nyanyudha piituthi ya yooloka unene poosikola dhopomudhingoloko gwawo, nomoshilongo ashihe.
Aapopi ya yooloka oaya popi noku tumbaleka nakusa kutya okwali ependa nokwaadhika ta longo nuudhiginini okuhumitha komeho oshipewa noshitalenti she shokwiimba. Ngoka popi peha lyokuume ke Isack Anton okwati oya kanitha omumati gwawo omunamashendjo, nondjodhi ye oya tetulwa.

Isack tati okwa kala pamwe nakuume ke poompito odhindji, nokwemu tseya keehole uuwinayi nomuntu. Tati kayena iitya nomatumbulo oyiitaala ezepo lye nokwa halele omwenyo gwe gu vululukwe nombili.

Pethimbo ta popi oshipopiwa peha lyaamwayina Ignatius Kakonya, okwa hokolola nakusa ali ehole iilonga, nokwa kala ta kwatele ezimo kumwe molwaashoka okuhole ombili nelandulathano ye okutonde iinima iiwinayi.

Tati okwa putuka ehole oondjimbo, nowali a tameke okuhika oongalo sho oshipewa she sheende tashi koko muye, ngashingeyi okwa pititha ooalbuma ndatu, molwaashoka omanga inaahulitha okwaadhika a mana okuteleka oalubuma ye moka ya imba pamwe naShitana noyaadhika tayi piti oshiwike shoka a hulitha. Oalbuma ye yotango otayi ithanwa Kaandjetu, ontiyali Epata Lange, noalbuma ontitatu tayi ithanwa Ondakula.

Molwaashoka moshigwana omwa kala tamuzi omapopyo kutya okwa pewa uuzigo otwali twayi moonkundathana nomupopiliko gopolisi moshitopolwa shaHangwena Abner Kaume Itumba ngoka a kunkilile aakwashigwana ya yande okutaandeleka omahokololo ngoka kaaye gashi nawa nokaagena uushili, tati iinima mbyoka oya nika oshiponga noonkondo.

Itumba tati okwa kala iinyolwa tayi monika komapandja ga yooloka komalungula takuti nakusa okwa pewa uuzigo, kakele olutu lwa nakusa sho lwa ningilwa omakonakono koondohotola inadhi monamo uuzigo, kakele okwa hulitha owala eso lyopaushitwe, tati omanga inaaya popya iinima naya kale haya tegelele omayamukulo okuza koondohotola.

Ta gwedhapo kutya pethimbo ndika opolisi oyiitsakidhila nomakonakono naayihe oya tulwa momake gopolisi opo ku kwashilipalekwe kutya ehokololo ndyoka lyaahena uushili olya zile peni, opo omapopyo ngoka ga kale ga hulithwapo.
Omapopyo otaga ti nakusa okwali teehama mepunda nokwa tameke tazi ombinzi komayulu nomokana. Okwa li anuwa a yi koshipangelo kEngela , pethimbo a hulitha okwali ha kala Okwa li kOmafo, nokwa thigi ko uunona, meme gwe oshowo aamwayina.

LEAVE A REPLY

Please enter your comment!
Please enter your name here