Manchester United oye enyakwa lyuudhano wokOkathitu B Ehego

0
24

Shipi Elago

Okathitu B -Oosipana dha za koombinga noombinga dhonooli yoshilongo odha li dha ninga oshuulilo pomukunda Okathitu B Ehego okukutha ombinga motonamende yaTukwatha yokomumvo yokatanga kokoompadhi.

Manchester United osipana yokOshakati ndjoka ya li ye ya muudhano mbuka ya fa oshiti monguwo oya li ya tilitha oyendji nuudhano wawo unene tuu momadhingoloko gwopetameko moka ya li ta yi tyakaleke oosipana oonkwawo.

United okwa li i idhenge mendangalati ekwawo Oshuuli FC medhingoloko etiyali lyahugunina moka omakanda gaUnited ga li ga dhana ga tula ombunda moshihwa oshoka Oshuuli nasho osha li sha ulike kutya ihashi lala mondjugo.
Nonando uudhano pokati kOshuuli noManchester owa li wa kindja, Manchester okwa li e shi pondola okudhenga Oshuuli 2-1 noku laleka mo Oshuuli mekopi lyaTukwatha.

Uudhano uunene wesiku owa li pokati kaManchester United nOkau FC, uudhano mbuka owa li shili tawu nyanyudha notawu ulike kutya edhingoloko lyomanyakwa.

Okau oka li ka pitile ta ka ponoka ka fa epeya ashike omukwati gwa Manchester okwa li a lungundja shokambishi n aka li nando a ethela mo etanga nando a li a thangelwa omatanga ga ninka oshiponga , United natye okwa li a ningi katambula ka kwata uuka pokoola yOkau ashike naye oonkambadhala dhe odha li dha huulile muunyengwi.
Edhingoloko lyotango olya li lya hulu 0-0 pokati koosipana ndhika mbali.

Okuza pokathe United okwa li a zi po a manga omulungu a fa katali nokwa li ta ningi iiponokela uuka pokoola yOkau naashika osha li she ya zile okoola moominute dhontumba okuza pokathe.

Okau opo haka shangwa mpo oshoka oke na ondjokonona yokudhenga oosipana taka zi konima nookoola.
Konima ashike yominute ntano sho United a li a tula mo Okau nako onete oya tuwalala, nokuninga eyalulo yimwe muyimwe.
Pau Angolo omudhani gwoKau okwa li ishewe i ifola mo mokoola nokuninga eyalulo lyi kale 2-1, ashike Okau oka li ka dhengwa pomutima kominute gwahugunina sho ka li ka tulwa ishewe okoola neyalulo pokahiya kahugunina olya li 2-2.
Okau oka li ka pewa nambwa koopelenti moka ka li ka dhengwa noopelenti 4-3.

Manchester okwa li a sindana po ekopi lya Tukwatha ndyoka lya li lya thindikilwa kokapandi kooN$ 2200 noombandi dhoshingoli, omanga Okau ka li ke ya pehala etiyali moka a li a pewa okapandi kooN$1800 noombandi dhoshisiliveli.
Oshuuli osha li she ya pehala etitatu moka sha li sha pewa omulongelo gwokapandi kooN$ 1200.

Okathitu B Ehego oke li ookilometa ntano muumbugantu wOnaanda moshikandjohogololo shaTamanzi, notonamende ndjika ohayi kwashilipalekwa kuPaulus Kashimba “Tukwatha” ngoka e li oye omukuluntu gwosipana Tukwatha United FC yokokathitu B Ehego Onaanda Uukwambi.

Tukwatha okwa li a holola nkene uudhano mbuka tawu ende noku koka omumvo kehe onkene oku uvite etumba sho omawudhano gwokuushayi taga humu komeho nawa.

“Oosipana odhindji otadhi ulike oomemo naashika otashi etitha omukumo oshoka iitalenti opo yi li naamati otaya dhana uudhano ta wu nyanyudha noonkondo, onkene onda hala ndi tse aadhani omukumo opo ya kale haya idhewula nawa kehe ethimbo opo ya kale ye na omalutu ga ndjanga nawa sho taya ka ya momawudhano.

LEAVE A REPLY

Please enter your comment!
Please enter your name here