Oshiindingili shaMTC sha enda nawa

0
39

Komutoolinkundana

WINDHOEK – Uuyuni awuhe oko wa li kokapale koSam Nujoma moshilandopangelo sho kwa li ku na oshituthi shoongalo tashi ithanwa MTC 081Every1Fest, shoka sha li sha mono engathithi enene lyaaholingalo lya li lye ya pokapale haka ke li moKatutura.

Mwa li mu na za mo ndi ye mo, aahikingalo yomeni nopondje yoshilongo oya li taya longo nawa shili, engathithi olya kala tali shi iningile ethimbo alihe, nomolwa egameno ndyoka lya li po lya kwata miiti, oshituthi shika osha li sha dhimi po omayitaalo kombinga yegameno ngoka ga kala ethimbo nuule taga dhumwa pokapale mpaka.

Elalakano konduko lyo081Ery1Fest olya li okumona iiyemo yokukwathela aantu mboka yaa na omalukalwa moNamibia, moka iiyemo mbyoka ya zi muka ya yi kehangano tali kikimba nokutunga omagumbo lyoShack Dwellers Federation of Namibia okupitila moshikonga shaStandard Bank shoBuy a Brick.

“Oshituthi shika osha enda nawa noonkondo, moka aayambidhidhi omayovi moNamibia ya li ya pewa ya lole mo mokakola koongalo dhomegumbo naandhoka dhopondje yoshilongo,” Osho omupopiliko gwaMTC Tim Ekandjo a ti.

“Kape na oshinima tashi tu nyanyudha sha fa okumona okapale koSamNujoma (etungo lya lukilwa Omunamibia e holike ngoka a kondjela oshilongo) ku udha ndo moka aantu oyendji ya li aagundjuka, mboka okupitila muunkulungu, ya li ye ya okuyambidhidha mboka yaa na sha moonkalamwenyo dhawo.”

“Okukala negumbo lyoye mwene eyiyuvo tali ku mangulula, notwa pandula Aanamibia ayehe mboka ya li ye ya poshiindingili mpaka, opo tu ye po noshiindingili shika kasha li oshipu ashike otu shi kutya elalakano olya li enene lyi vulithe iinima ayihe. Oshiindingili osha li she ende kolutenda notwa pendula aakwashigwana ayehe sho ya li ye tu wayimine tu tyapule pamwe,” Ekandjo ta ti
Okwa pandula Opolisi yaNamibia, Opolisi yOshilando osho wo omahangano agehe gokukaleka po elandulathano sho ya longa nawa okukaleka aantu ayehe megameno. Osha li sha kwashilipalekwa komahangano taga landula: Standard Bank, Otesa, My Namibia My Pride, NDTC, CSS Tactical Security, The Namibian, Air Namibia, Kunene Civil Projects, Sure Ritz Travel, World Master, MTL, noshikonga shoBuy a Brick.

LEAVE A REPLY

Please enter your comment!
Please enter your name here