Omukondjelimanguluko Voito Jason Kondjereni

0
99

Aagundjuka oyendji oya li ya thiga po oshitopolwa shaKavango ya ya moAngola moomvula dho1970, gumwe gwomwaamboka oVoito Jason Kondjereni, ependafule lyopethimbo lye, ngoka a li a gandja onkalamwenyo ye kekondjelomanguluko nota dhimbulukiwa sigo aluhe. Okwa valwa momasiku 29 November 1951, pomukunda Kakuro. Vioto okwa li omutitatu mokuvalwa, oya li ya valwa yahamano. He oJasson Manyengo, nayina oHelvi Elina Hango. Oya li ya tembukile komukunda Ruhepo moMpungumo 1962. Okwa hiti osikola poKakuro sigo ta yi koNkuerenkuru, nokosekondele koRundu hoka amana ondondo 8 mo1972. Okwataaguluka oongamba mo1974, a pitile koPorto Kwangali hoka adhewulwa metanga lyaakondjelimanguluko yoPlan pokamba poKasapa. Okwa kala nee hazi mpo naakwiita ooya kwawo taya dhenge oombulu momikunda dhopoKavango. Mo1981 Voito okwa li atumwa ekiilonge koRussia pamwe naCharlse Namoloh, ngoka oye paife oMinista yEgameno moshilongo.

Oshikando shotango sho aakalimo yomoshitopolwa ya li yu uvu ishewe kombinga yaVioto, osha li mo1983 sho a galuka onga okomanda yaakwiita 300 mboka ya li ya tumwa ya kondjithe oombulu meni lyoshilongo. Ethimbo ndyoka edhina lye lyomomuthitu oKondjereni, shoka tashi ti owu na okukondjela uuthemba weni. Etanga lyegameno lyaSouth Africa pethimbo ndyoka olya li tali mu kongo nuuatoloko mboka wa li tawu gandjwa moshigwana. Oshimaliwa shooR2000 osha li wo sha uvanekelwa kehe tuu ngoka ta ka kwathela oku mu manga po. Etanga lyegameno olya li lyi na etimaumbwile kutya otali mono uuyelele maakwashigwana, ashike shoka inashi ningwa.

Voito okwasile metumo lye onga komanda gwaakondjelimanguluko moKavango, muAguste 1983 poNepara, moNkurenkuru.
Vioto okwa li a wayimine ongundu yekondjelomanguluko pethimbo lyomimvo oSWAPO ya li tayi kutu aantu yi itula mo osho wo aayambidhidhi mokati kaanasikola. Muuninginino waKavango, oongundu oonshona dhaanasikola odha li dha tsakanene naakwiita yoPLAN, mboka ya li haye ya moNamibia okuza moAngola. Nsinano nanekulu lye oya li ye na ekwatathano naakwiita mbaka yoPLAN, naVoito okwa li a tseyathana nayo.

Pethimbo ndika UNITA okwa li e na ombelewa moCuangar, moka mwa li mu na Colonel John oye a li omukuluntu. Okwa li oye ha ningwa omakwatathano naye kaakwaSWAPO osho wo aayambidhidhi yoSWAPO muuninginino waKavango, nokupitila muye oya li haya vulu okukwatathana noSWAPO osho wo oPLAN moAngola.

Mesiku lyokilisimesa mo1974, Vioto okwa li a yi kuyina ngoka a li a kulupa koMpungu. Ine mu lombwela kutya ompangela ye oya li yashike, okwa li a mu laleke. Kapwa li pe na ngoka a li e shi kutya ita ka mona we yina. Mondjila ye okuza koMpungu a thinda koNkurenkuru, okwa li a pingathana nomatanga gaSouth Africa: ohauto moka a li a londa oya li ya teka netanga lyegameno olya li lye ya po okukondolola oondjato osho wo aantu mboka ya li ya londa mo. Ashike shoka ya li inaya vula okukondolola omadhilaadhilo osho woo oompangela dhaVioto dhokonakuyiwa.

Esiku lya landula, momasiku 26 Desemba 1974, Vioto okwa li a taaguluka omulonga nokwa yi koCuangar. Okwa li a thigi po Namibia ngaashi naana aagundjuka oyendji yepipi lye, nokwa li a ka wayimina oSWAPO muupongekwa. Etimaumbwile lye okwa li oku ka mona elongo ewanawa, ashike okwa li e shi shi nawa kutya ondando yaashoka okuthiga po oshilongo she osho wo okukutha ombinga mekondjelomanguluko. – Onzo yomauyelele yaKavango

LEAVE A REPLY

Please enter your comment!
Please enter your name here