Oshana nOshikoto meyilongekidho lyekopi lyoScopion Zinc ….Omusati gwa hala okusindana ekopi ndika iikando ine ya landulathana

0
20
Windhoek, 10 September 2016 - An Omusati Region player (in green) in action against an Erongo player during the final of the Skorpion Zinc Cup at the Sam Nujoma Stadium. (Photo by: Hesron Kapanga) NAMPA.

Shipi Elago

Ongwediva – Iitopolwa iyali yokOnooli, Oshana nOshikoto oya li ya ningi omayidhewulo kaaku na we Etiyali lya za ko ngoka ogo ga li ga hugunina omanga ya li inaya idhenga ondjila yokuya koGrootfontein hoka uudhano mbuka wa tameke ongula yonena.
Oshana shoka inashi lola nando ekopi ndika oshi li sha tula kumwe osipana yaamati 20 ye li kohi yomimvo 17 ya za moosikola dhomomudhingoloko gwaShana.

“Otu li twa totha mo lela uumati wu shi okuza po nokuya po nowu li nale we shi ulika momayidhewulo kutya otawu vulu okuninga iikumithalonga, nonando omadhewo getu oga li ga yiwa moshipala komakonaakono okampito hoka twa li twa mono okwiidhewula momahuliloshiwike otwa li twe ka longitha nawa lela,” Shaama ta ti.

Samuel Shaama oye e li omudhewuli gwosipana yaShana nota kwathelwa kuTeofilus Philipus.
Sam Nekwaya ngoka e li gumwe gwomosheendo shosipana yaShana pethimbo a li moonkundathana naKundana omanga ina ya mela lyondjila okwa li a holola kutya osipana yaamati ye li kohi yoomvula 17 yaShana inayi pewa nando eyambidhidho sigo oompaka, ongele okuza kewiliko lyoshitopolwa shaShana nenge okaanangeshefa yomOshana.

“Ohandi longitha osheenditho shandje okufala aadhani kokapale noku ke ya tala ko, noku ya fala komalukalwa gawo, ashike shika itashi tu teya omukumo nomatokolo okuya komeho”,Sam ta ti.

Okwa ti osipana kayi na iikutu noye li ashike haya longitha iikutu mbyoka ya za nayo komagumbo, noyo taya yi nayo kuudhano.
Oshana inashi mona nando ompito yokusindana po ekopi ndika naSam Nekwaya ota ti oshipandi shaamati mboka ye na ngashiingeyi osha nuka po onkene aakalimo yomOshana naya kale ashike yeendeka okutsi, oshoka itaya ka thiga emanya lya londa kekwawo.
Oshikoto osha ningi esiku sha yunga oontanda pokapale okape mondoolopa yaMuthiya moka ya li momadhewo ga kwata miiti moka ye li kohi yomudhewuli Sacky Alugodhi naEslon Katjiuka.

Oshikoto nasho osha tula kumwe ongundu yaamati 20 ye li kohi yomimvo 17 mboka oyendji ya za mosikola yEtosha nOtjikoto noya tegelelelwa ya ka tale ngele genongo taga fe gongombe.

Ekopi ndika olyi li lya dhanwa iikando itatu moka oshitopolwa shaMusati shi li sha sindana po iikando ayihe mbika na kapu na oshitopolwa shilwe sha matha ekopi ndika.

Oshitopolwa shaMusati osho tashi ka ya muudhano mbuka shi na ombinzi ya londa oshoka osha hala okuninga ondjokonona okusindana ekopi ndika iikando ine ya landulathana.

Uudhano woScorpion Zinc waamati yokohi yoomvula 17 owa li wa egululwa pambelwa ongula yonena nowa tegelelwa wu ka thike pehulilo mOsoondaha tu uka.

LEAVE A REPLY

Please enter your comment!
Please enter your name here