Otatu kondjitha shike ngashingeyi?

0
26

Pethimbo taku ningwa edhimbulutho lyesiku lyomapendafule, Aanamibia otu na oku ipuleni epulo limwe: Oshike tatu kondjele ngashingeyi? Neyamukulo olya yela nolyu ukilila kutya otatu kondjele emanguluko lyeliko. Tatu kondjele Namibia ngoka kee na okwaathikepamwe mokati kaakwashigwana ye, aakwashigwana inaaya sa ondjala, moka aalongwantu ye na iilonga, osho woo moka Anamibia ye na etimawumbwile. Ongele ashike twa adha omalakano ngaka tatu vulu okusimaneka pawushili ekunguluko lyombinzi yomapendafule getu ngoka ga gandja oomwenyo dhawo kemanguluko lyoshilongo. Nonando esiku lyomapendafule hali monika unene lya fa lya tala kolugodhi lwOmugulugwombashe, nashi dhimbulukiwe kutya ekondjelomanguluko lyaNamibia olya tameka nalenale moomvula dho1800 sho ookuku ya tameke okukondjitha Aaeuropa. Monena Namibia oku na omawupyakadhi omanene goluhepo, okwaa na iilonga, osho wo galwe. Opo tu sindaneni olugodhi nduka otashi pula atuheni tu ilongeleni kookuku mboka ya li yi imanga kumwe onga Aanamibia, inaaya tala komihoko, ya kondjithe uukoloni. Natse natu landuleni mondjila ndjoka, moka tatu kondjitheni uukwamuhoko, tse tatu kandula po oluhepo, onkalo yokwaa na iilonga osho wo omaupyakadhi galwe gopankalathano.

LEAVE A REPLY

Please enter your comment!
Please enter your name here