ANC a ninguluka manga okukuthako evi koonkondo

0
11

Egumbo lyomutumba gwopashigwana lyaSouth Africa olya li lya ya egeke ethaneko ndyoka ya li ya pititha mo2016, noya li tayi pe ngeno epangelo oonkondo dhokulanda evi opo koonkondo, ongundu tayi pangele yoANC osho ya ti mEtiyali.
Aasouth Africa otaya kutha ombinga moonkundathana moshigwana kombinga yetalululo lyevi shoka tashi ningwa moshilongo ashihe, opo ya gandje omayiuvo gawo kethaneko lyoANC lyokulundulula ekotampango.
“Ethaneko ndika lyoveta monkalo moka yi li ngashiingeyi oya pumbwa okutalululwa okutala mokatendo oka25 kekotampango hoka taka popi ekuthoko lyevi pwaa na iifuta yasha,” Nonceba Mhlauli, omupopiliko gwomukuluntu gwoANC megumbu lyomutumba gwopashigwana ta ti.
“Mpoka ethaneko lyoveta tayi ka galulilwa mo, otayi ka kala yi na uutendo tawu ulike ekutho ko lyevi pwaa na iifuta ngele South Africa osho a hogolola,” ta ti ngaaka.
Aalandithi naanangeshefa oye na omalimbililo gen a sha nuuthemba wokukala nomaliko.
– Yaza koonzo dhi ili ndhi ili.

LEAVE A REPLY

Please enter your comment!
Please enter your name here