Mbumba a patulula olufuko pambelewa

0
30

OUTAPI – Omupevipresidente gwaNamibia, Nangolo Mbumba, okwa patulula olufuko pambelewa mOutapi moshitopolwa shaMusati mEtiyali lya za ko, shika okwe shi ni ninga montaneho yomukokolipresidente ngoka oye e li opatrona yOlufuko. Nujoma okwa tsu omuthindo kutya oshituthi shika otashi tsikile nokukoka nokuhila aaalandithi naatalelipo oyendji nonando pe na mboka ye li ompinge nasho.

Eholoko lyaantu oyendji ya za komahala gi ili peegululo lyolufuko, Nujoma ta ti, osha nkondopekulula onkambadhala yaalongekidhi yakugalula omithigululwakalo, ndhoka dha li dha kuthwa po nenge dha pingena po kwaadhoka dhoshiEurope aantu opo uunona wu hengumukile momithigululwakalo dhaakwiilongo.

“Nandi shi yeleke kutya oinitiation kayi shi ondjokana olufuko etito okuza kuunona wu uka kuukiintu nenge kuukuluntu. Otu na onkwa nuunona wetu mboka tawu kutha ombinga moshinima shika,” Nujoma ta ti.

Mbumba ta ti Olufuko lwahugunina olwa li lwa ningwa pwa pita oomvula 80 manga inaalu galulwa ishewe kelelo lyamusati pamwe nelelo lyondoolopa yaOutapi osho wo omalelo galwe gopamuthigululwakao.

Oshituthi shika shopamuthigululwakalo oshi na elalakano lyoku ulika, okulonga osho woo okutyapula nokulonga oshigwana kombinga yOlufuko osho wo omithigululwakalo dhilwe dhaambalantu,” Mbumba ta popi ngaaka.

Mbumba okwa popya wo kutya ope na aantu oyendji ye li ompinge nolufuko aniwa otalu humitha komeho onkalo oondjokana dhuunona osho wo o.maihumbato galwe gaashi gopauntu.

“Ngaashi handi ti aluhe, otwa pumbwa okutaamba ko iinima iiwanawa yi na sha nomuthigululwakalo, tse tatu ekelehi mbyoka kaayi na mpoka yu uka,” ta tsu omuthindo.

Mbumba ta ti omithigululwakalo oonkulo ndhoka kadhi shi oombwaanawa, ngaashi okuhokana uunona uushona, kayi li oshitopolwa shomalalakano golufuko. Ta kumike Aanamibia, ya lopote kopolisi kehe mpoka ye wete oshinima tashi tu shunitha monima, opo mboka taye shi ningi ya katukilwe onkatu. Elelo lyondoolopa yaOutapi olya unganeka olufuko iikando yi li iheyali ya landulathana. Olufuko olwa li lwa tameke mEtitano notalu hulu momasiku ga4 Sepetemba.– NAMPA

LEAVE A REPLY

Please enter your comment!
Please enter your name here