Omahokololo gomadhipago gomathithi piishiindalongo

0
99

■ Alvine Kapitako

WINDHOEK –MoNamibia aantu ohaya lesha owala nkene omathithi ge na ooonkalamwenyo dhi li moshiponga molwomadhipago haye ga ningilwa, molwa iilyo yomalutu gawo miilongo ngaashi Malawi naTanzania. Pethimbo lyomutumba omu-38 gwomitse dhiilongo yomoSADC moWindhoek Amnesty International oya li ya unganeke oshiindingili ya ulike emonitho lyiihuna lyomathithi.

Gumwe gwomaapopi okwa li Alfred Misoya, nokwa a li a popi ombahu nokawawa pethimbo a li ta lombwele mboka ya li ya gongala sho a li ta gandja oshipopiwa nokuhepununa nkene ye namumwayinamati ya li ya hupu meso sho konyala ya li ya nghapwa sho ya li ya kotha mondunda yayina momukunda Nankumba muumbugantu waMalawi. Osha li momasiku 3 Maalitsa 2017. Omunamimvo 32 Misoya namumwayinamati oya li ya lala mooyina.

Ohaya zi nahe konyala okilometa yimwe okuza mpoka hapu zi yina. “Osha li po dawn yo3 Maalitasa sho aalumwntu yamwe kaye shiwike ya li ye ya uusikutwa lala mondunda yimwe nomumwameme. Oya li yi iteyele megumbo ya humbata omakatana, ehokololo ewinayi…” Misoya ta popi ngaaka nomahodhi taga pononoka. Aalumentu mbaka kaye shiwike oya li ya nghapagula Misoya namumwayina.
Oya tameka okunkapa. Eyulu, okangolona” Osho Misoya a dhimbulukwa ta ulike iilalo mbyoka ya za moshiponokela shika. Misoya okwa fatulula nkene mumwayinamati a li a kugu muule sho ali ta tetagulwa.

“Sho twa li twa kugu, aantu oya zi megumbo ye tu hupithe,” Misoya ta ti. Oya li ya falwa koshipangelo koBlantre, koshilandopangelo shaMalawi hoka ya li ya pangwa uule womasiku ge li gatano. “Otandi dhimbulukwa nda li nda penduka moshipangelo,” Misoya ta ti ngaaka, ye ta ti ka li we shim pa e li sho a li ta nkapagulwa ngaaka.

Omakonaakono oga li ga ningwa nomufekelwa gumwe okwa li a mangwa po. “Ashike shoka tashi kumitha osho shoka kutya ngoka a li a kwatwa po okwa li a mangululwa, ashike ngele owa pula otaya ti natango otaya konaakona sigo opaife,” ta popi ngaaka.
Misoya ta ti ye namumwayina oya kala muumbanda oshoka kaye shi kutya otaya ka ponokelwa ishewe uunake. Onda li nda kutha oshinima shoka ashike inandi mona eyambidhidho koshilongo shandje,” ta ti. Omolwa oshiponokela shika, Misoya ta ti oha longo nuudhigu okulongitha iikaha ye ashike shoka itashi ke mu keelela a mone onzapo ye yuuhahende ndjoka ti ilongele.
“Otandi pula eyambidhidho ndyoka tali fala ndje ponkatu yokukala ohahende oshoka onda hala okukondjela uu
themba waantu,” Misoya ta gwedha po. Misoya ta ti oku na ishewe aamwayina ye yalwe ye li yatano, moka yaali nayo omathithi.
Ta gwedha ko: “Onda mbandapala na kandi li megumbo ethimbo alihe omolwa aafekelwa mboka haya galukile momudhingoloko gwetu. Ondi na uumbanda kutya esiku limwe otaye tu dhipaga.” Osho a li a popi pethimbo ta hekelekwa komukuluntu goAmnesty International muumbugantu wAfrica, Deprose Muchena.

“Otandi pula ashike omayambidhidho gokupewa eyambidhidho lyokwiilonga opo ndi vule okuyambidhidha osho wo okukalela po aantu mboka ye na iipotha yomathithi. Onda hala okuninga ohahende konahiya.” Misoya ta ti.
Shi ikwatelela koAmnesty International, omathithi muAfrica oga palamena oshiponga shokudhipagwa molwa iilyo yomalutu gawo oshoka ope na eitaalo kutya ohayi eta uuyamba nelago. Miilongo ngaashi Malawi, Mozambique, Tanzania, omaponokelo ngaka oga indjipala noonkondo.
“Oshi li osho shika kutya omathithi oge li monkalo yuumbanda wokudhipagwa. Oye li mokati koongangala ndhoka dha hala oku ya dhipaga neitaalo kutya otaya ka mona uuyamba. Shika nashi mone ehulilo, Muchena ta ti.
Amnesty International ta ti moMalawi aantu oyendji otaya futu iimaliwa oyendji okulanda kiilyo yomathithi, shoka tashi eta opo omasipa gaantu oyendji ga kale taga pindikwa.

Konyala iipotha yi li 600 yomaponokelo miilongo 24 yaAfrica oya lopotwa, shi ikwatelela koAmnesty International. Amnesty International muumbugantu waAfrica ehangano hali longo mokukeelela eyonagulo lyuuthemba womuntu.
“Otatu indile iilongo, omahangano, osho wo aantu ayehe mboka mu na omathithi ya longele kumwe opo ya kandule po omukundu nguka naantu mboka ye na onkalo ndjika yoshipa,

Iilyo yoSADC otayi indilwa wo yi ninge iikonga yoku uvitha ko aantu opo ku keelelwe omaitaalo ga puka. Ta pula wo iilongo mbyoka yi li iilyo yoSADC yi shaine, yi ptike nokutula miilonga euvathano lyiigwanahangano ndyoka lyi na sha naantu mboka ye na uulema.
Otatu indile iilongo yi longele kumwe mokukonaakona nokupangula iimbuluma hayi ningilwa omathithi, unene tuu okukwatwa po ombambyona, omadhipago osho wo elanditho lyiilyo yomalutu,” Limwe lyomauvathanotsokumwe osho tali ti ngaaka.

Omutaleli gwiikundaneki moshilongo, John Walters ngoka naye wo a li poshiindingili shoAmnesty International okwa ti kamu na olopota yaantu taya gumwa komwa komalutu molwa onkalo yawo yuuthithi moNamibia, nokwa ti okukala kwe koposhigongi shika okwa patulula omeho ge.

Otatu kaya moshikonga sha kwata miiti shoku uvitha ko aantu kutya aantu mboka ye an onkalo yuuthithi nayo aantu ya fa yakwawo noya pumbwa okusimanekwa.

LEAVE A REPLY

Please enter your comment!
Please enter your name here