Omudhengingonyo gwaThailand a sindana omalugodhi ge vule gaMayweather

0
73

Bangkok – Omudhengi gwoongonyo gwaThailand, Wanheng Menayothin okwa li a sindana olugodhi lwe olu-51 mEtitatu sho a li a dhenge Pedro Taduran gwaPhillipines, nokwa li a gamene epapa lye lyoWBC nokwa li a pitilile omwaalu guudhano mboka wa sindanwa kuFloyd Maywether Jr.

Omudhengingonyo nguka e na oshilukadhina The Dwarf Giant, okwa li a sindana kiitsa konimwa yomadhingoloko 12, sha ningilwa moThailand, moshilando shedhina Nakhon Sawan.

Ashike omulumentu nguka gwoomvula 21 gwomuPhillipines okwa li a kondjo ngedhina lye, “Rattle Snake”, moka a li koongodhi ashike naye okwa li a hwama medhingoloko etitano.
Ashike ehwamo lye inali kala ko ethimbo ele sho Wanheng a li a e mu pe dhopomeho ndhoka dhe mu lolodha.
Wanheng, 32, okwa li tu umbu shi vulithe nomolugodhi lwe lwaMay sho a li a ekelehi Leroy Estrada gwaPanama , nokwa li a sindana omalugodhi ge thike pugaMaywether.

Aayaluli yiizemo ayehe oya li ye mu pe esindano konijma yedhingoloko lyahugunina. Esindano ndika lyaWanheng oli li momakana goyendji moThailand. Ashike halyo naaanaa omolwa eyooloko pokati kaadhengingonyo mbaka yaali.

Wanheng okwa dhenga aantu oyendji, ashike Mayweather okwa dhenga omanyakwa ngaashi Manny Pacquiao naOscar De La Hoya.
Uudhano waMayweather owa li hawu ya noshimaliwa sha kola, ngaashi oomiliona US$100 sho a li a zi moshipundi shevululuko a ka kondje naConor McGregor.

Edhina lyopaveta nolyoshili lyaWanheng oChayaphon Moonsri ashike omathimbo gamwe oha kondjo wo kohi yoshilukadhina “Five Star Frilled Chicken” molwa ekwashilipaleko ndyoka e na nokampani ndjika yiikulya yaThailand.

Esindano lye ndika olye mu eta a kale e thike pamwe naRicardo Lopez, ngoka a li a umbile mo oshifanduke konima sho a sindana omaudhano 51, na ina dhengwa nenge a dhana shi thike pamwe nando.
– NAMPA / AFP

LEAVE A REPLY

Please enter your comment!
Please enter your name here