Otwa fa twe likanifa …Ashike u lilifa iho li kanifa

0
73

Etumwalaka la yandjwa oshivike eshi komaulikilo oipindi kOngwediva olafa tali popi nghene oshiwana shaNamibia tashi kanifa ongushu yasho younhu. Eshi oshali vali sha tuwa omufindo pefimbo loshivilo shOlufuko oko ovapopi va yooloka va kumaida oshiwana opo shi ha kanife ongushu yasho neenghedi domifyuuulwakalo odo tadi shi yoolola ko koiwana ikwao onga Ovanamibia, OvaAfrica kuyadi, ndele haku shikula eenghedi doshiEuropa odo paife odo dili tadi dana onghandangala moshiwana.

Eshi tashi eta ohokwe yokupwilikina nonghumwe oshosho kutya nonande oivilo ei ivali oili keenhele da yoolokafaan nodi lili kokule lela oshinano shomukana, ovapopi aveshe ova tofa mo nota va ulike kutya Ovanamibia ova tetwa ko kohole yeliko.
Otwa hala ashike ngeno ohatu likola ashike ka pe na ou e na ko nasha namukwao. Ounhwa wokukala wa ndubalelwa keliko ove to li ulike kutya oove wa tumbala u dule vakweni owe tu pofipaleka notweli longekida nokuli okuhauluka nokuhanauna pe keshe shimwe osho ootatekulu ile ovakuluvonale vetu fiila onga oufiye wetu.

Oshinima eshi oshe tu kwata atushe, ovakulupe novanyasha, ovafyoona novakengeli, oohashikeshalye naavo vehe na omadina moshiwana, omikalo odo hatu li humbatelafana nando onga oshiwana odeli fa, ina tu yoolokafana nande.
Onghee kwa nigwa eindilo kutya natu li dongokonone fye tuli konaakone`ndele hatu lundulula.

Paku eta po elunduluko, ohatu li tumbula fyee vene, hatu pepala noku li tambula ko mefano liwa onga Ovanamibia, twa manguluka ovo lwaxuuninwa tu na ongushu nomungudo wokutunga oshilongo shetu momukalo oo tau ka wapalela omapipi nomapipi. Ngaho, ohatu ka dimbulukiwa molwa oilonga iwa twa longa, nounona vetu otava ka lesha omadina etu momambo ondjokonona nghee twa lwila efimano nongushu yoounhu onga Ovafrica, Ovanamibia konduko.

LEAVE A REPLY

Please enter your comment!
Please enter your name here