“Twa fa twaha li ovapika”

0
62

■ Komutoolinghudana

Ongwediva – Namibia paife ota tyapula emanguluko oule weedula 28 ashike otashi nyemateke shaashi ovakolonyekwa navo vene paife ova ninga ovakolonyeki. Oihelele i tingapi ei? Omuhoko oo wa lwa nowa kondjifa oukoloni oo vali wa ninga ovakolonyeki va xuuninwa, it ava kolonyeke nee ngeno omutondi wavo mukulu, ashike paife ova pilukila po ovamwaina. Omunhu ta kolonyeke ondenge ile omukulu waye,” oo omatumbulo a Tim Ekandjo efimbo a li ta popi pepatululo lomauliko oipindi mOngwediva.
Ekandjo okwali ta popi ta hokolola onghalo oyo ili moshilongo, ta hokolola nghee ewete Ovanamibia ovahongwanhu tava teyafana po molwa “oufukulume nohole yomaliko”.

Ta ti ovo ve na oufukambungu ihava kuta, vo ihava wanenwa nokeshefiku ngee omunhu wa patulula oikundaneki oto lesha ngene ovalaule moshiwana, mwa kwatelwa mopolitika, mongeleka nomomaumbo tava halakanifa nokuteya po eenghalamwenyo davakwao.
Ekandjo ta ulike kondandalunde ngee vamwe nokuli hava hoololele ookaume kavo komalelonongelo omahangano nelalakano opo vaka nyateke nokufunda mo ovo hava longo noudiinini nopehena etomhelo la yela.

Ekandjo ta wada po kutya, eshi tashi nyemateke osheshi kutya ovo hava tenhekwa momatonatelo omahangano ohava nokusoselwa vakwao, ohava ka ningifwa oinima nande kave i udite, shamha ashike tava landula omalombelo oobaasa vavo.
“Ovaleli ve he na omungo, kave na omakanghameno voo ina ve li fimaneka. Omolwashike tu na okuli ula twa managuluka ngeenge natango otwa kolonyekwa pamadilaadilo?… oupika wopamadilaadilo wa longekidwa nanwa notwa danwa momitwe opo tuu shambekele nomaoko aeshe,” Ekandjo ta ti.

Ta ti paife novanailonga vomomaumbo inava hala vali okulongela ovalaule vakwao, molwaasho ovalaule nopoukoloni woilumbu ova pita po.
Ta yandje oiholelwa nghee ovayandji voilonga ovalaule hava holeke po nouremoter veeTV, in ava efiwa va lye mo moaumbo ovayandji voilonga.

Ekandjo ta ti ovayandji voilonga vamwe kave shi naapo hapa di ovanailonga vavo ndele nande ova fye ile va filwa kave na nande efiku va ye ko komaumbo avo vaha pendule. Ngee omunailonga a dimbuka oufiku iha pewa ngoo nande oshimaliwa shotaxi.
“Ohatu pula nomufindo utu ulikile ooukwatya woye ou ushi okutalwa nokupwilikinwa, shaashi oukwatya oo, oo tau eta elunduluko nokuninga Namibia nounyuni aushe onhele ili xwepo… Oupika kawali nande oshitukulwa shondjokonona ya Africa, oupika oshinima sha etwa mo moAfrica,” Ekandjo ta ti.

LEAVE A REPLY

Please enter your comment!
Please enter your name here