Uukoloni momitse dhAafrica nawu kuthwe mo- Africa oye ongudhi yeputuko

0
59

■ Paul T. Shipale

Sho tatu tyapula oshituthi oshitiheyali sholufuko, onda dhimbulukithwa omusinaasini gwomuNigeria nomunandjokononona, Chinweizu Ibekwe ngoka a li a a tala nawa omatompelo gopandjokonona yaatumwa aakriste moAfrica shi ikwatelela kombaapila ndjoka ya li ya shangwa komukwaniilwa Leopold II gwaBelgium, ya shangelwa aatumwa mo1883, noya li ngeyi:
“Aasita, Aauwuvithi, Ookuume: Oshinakugwanithwa shoka mwa tsikwa oshi li kohi nosha pumbwa euvoko lyomuule. Otamu yi mu fale evaangeli, ashike evaangeli lyeni oli na okukala tali longele Belgium uuwanana. Oshinakugwanithwa sheni oshinene molweendo lweni moCongo kashi shi okulonga aaluudhe ya tseye Kalunga, shika oye shi shi nale. Ohaya popi nohaya iyutha kuMungu, Nzambi (Ndjami-Mukulu_Kalunga), Nzakomba nayamwe kandi ya shi. Oye shi shi kutya okudhipaga, okuya momilalo nomukulukadhi gwamukweni, okufundja nokutukana iinima iiwinayi.

Kaleni nomukumo gwoku shi itaala, itamu ke ya longa shoka ye shi nale. Iilonga yeni iinene oyo ku kwatela komeho oshilonga shokuhumitha komeho uukoloni, sha hala okutya omu na oku ka toloka oohapu dhaKalunga momukalo ngoka tamu gamene uuwanawa weni moshitopolwa shoka shuuyuni. Ontseyo yeni yombiimbeli otayi ke mu pitika mu ka lundulule iitya nomatumbulo, nokukumika aalanduli yeni ya kale ye hole olweepo, Ngaashii “Ye na ombili oyo aathigona oshoka otaya ka thigulula oshilongo shaKalunga,” na oshidhigu komuyamba a ye moshilongo shakalunga.”
Onkene otandi pandula omukokolipresidente gwetu Sam Shafiishuna sho e tu dhimbulukitha kutya oshigwana shaa na omuthigululwakalo osha fa omuti gwaa na omidhi.” Onda nyakukwa wo kutya epangelo lyetu okupitila momundohotola Hage Geingob, ngoka a li a kalelwa po komupevipresidente Nangolo Mbumba, ota pitika nota yambidhidha Olufuko. Onda pandula wo kutya ominista yuunkulungu nomithigululwakalo yoshitopolwa shaLimpopo moSouth Africa oya li ya thika. Ohenda shili sho ominista yetu yomithigululwakalo inaayi kala poshituthi mpaka.

Eitaalo lyokukolonyekulula olya dhama mondjokonona yOmutumba gwoBandung gwo1955, moka iilongo 29 ya za moAfrica nomoAsia ya li ya gongala. Elalakano enene lyomutumba olya li okumona ontalelo yimwe yonakuyiwa ndjoka inaayi nwethwa mo kauuwinginino nenge kaakuuzilo. Omutumba gwiilongo mbyoka ya hala okwiipangela yoyene ogwa li gwu uluka ko mo1962, nogwa li moBelgrade.
Uuthiga uunene womutumba gwoBandung ogwa li ya tokola ko okuza komayitaalo gopapolitika nogopaliko gaakuuninginino okuya koombinga dhilwe dhonkalamwenyo nomikalo dhokudhilaadhila ndhoka dha li dha ekelwahi kelongo lyuukriste okuza tuu petameko ndyoka lya tsikile nokutaandela okupitila miimpungu yilwe ngaashi ophilosofi nuunongononi.
Oku itokola ko okupitila mokukolonyekulula osha hala okutya ito taamba ko omikalo ndhoka wa pewa. Mboka owo uuthiga womutumba gwoBandung. Omukalo gulwe okukolonyekulula. Uuwananwa woBandung owa li oku ulika kutya omukalo gumwe otagu vulu.
Ashike nando ongawo ope na ngaa mboka Frantz Fanon i ithana Oshipa oshiluudhe ya zala oshipa oshito tokele, membo ndyoka lya tetekele Omutumba goBandung noomvula ndatu, ashike kalya li embo lyi li kokule konkalo yuuyuni ndjoka oyo ya hwahwameka omutumba gwaBandung.

Eilongo lyondjokonona onkulunkulu yomaitaalo gopambepo olya simana, komaitaalo, ngaashi uuphiloshophy , ohayi lunduluka kashona nakashona. Eitaalo lyopambepo ndyoka lya taambwa ko komapangelo, olyi li conservative lyo ihali lunduluka montalelo yalyo
Ookalunga aakulu yaIndia otaya ulikwa nomagala gaaEthiopia komitse. Shi ikwatelela ketestamende epe, Moses okwa li a tsakanene naJehovah pethimbo a li mokati kaaMidianites uule wokathimbo okashona, mboka ya li omuhoko gwaaEthiopia. Otwi ilonga komuthigululwakalo gwaHellenic kutya Zeus, Omukwaniilwa gwaaGracian okwa li a simaneka uukuume waaEthiopia nokwa li ha yi koshilongo hoka lwaali momvula a ka gongele oongala. “Ookalunga ayehe aalumentu naakiintu yaaNgeleka oya li aaludhe,” osho”Sir Godrefrey higgins a ti, shika aniwa osha li oshili kuJupiter, Baccus, Hercules,Apollo, Ammon. Aakalukadhi Benum, Isis, Hecate, Diana, Juno, Metis, Ceres, Cybele oya li aaluudhe.”
NAarooma, mboka ya mona eitaalo lyawo unene okuza kaaNgeleka, oyi itaala ongunga yawo kaaEgypt naaEthiopia. Omapekaapeko gomathanao giikalunga muuyuni wonale naambuka wopaife otaga ulike ontsapo yawo yaaEthiopia. Shika otashi ndhindhilikwa kuKenneth R.H.Mackezie membo lyaT.A. Buckley lyedhina iilando iikulukulu muuyuni. Okuza konkalo yomafufu gomomutse, Bhudda gwaIndia, Fuhi gwaChina, Sommonacom gwaSiamese, Zaha gwaJapan naQuetzalcoatl gwaMexico, oye na onzililo yaAfrica nenge oNubia.
Mokukundathana ontsapo yeputuko muuyuni wonale popepi nuuzilo, Omuplofesa Charles Signboss membo lye lyondjokonona yeputuko yoomvula dh aka dhilongela okwa ndhindhilika kutya kutya aantu yotango mboka ya li ya huma kominkulo dhaNile, Tigris naEuphrates, oya li aantu yoshipa oshiluudhe ye na omafufu omafupi nomilungu ominene, noya li anuwa haya ithanawa kaapekaapeki yamwe kutya Aaethiopia, manga yamwe haya ti aaHamites. Eputuko ndika lyoCushites, moka omiuthigululwakalo dhokuyele dhaEgypty naMesopotamia dha zi, kadha li ashike dhomuuzilo.

MoGeography ngashiingeyi edhina Ethiopia edhina ashike lyoshilongo sha tseyika onga Abyssinia, shi li muuzilo waAfrica. Muuyuni wonale Ethiopia okwa li a tsa moAfrica nomoAsia, shoka aakwandjokonona yamwe ye shi tseya onga Egypt,” Osho Sir E.A. Wallis Budge a shanga.

Omunandjokonona gumwe ngoka a shanga kombinga yaEthiopia okwa li Strabo, ngoka a shanga ngeyi: “Aangeleka yonale, momukalo ngoka ya li ya tula iilongo ayihe yokuumbugantu mbyoka ye shoi onga Scythians, otandi koleke kutya iilongo ayihe yokuumbugantu oya li ya ti oEthiopia sigo omefuta.” Ta gwedha po kutya ngeno okwa li aananena ngeno oya li ya tula Ethiopia mpoka pwa li popepi naEgypt, shika inashi pitikwa shi lyalyakaneke eityo lyaakulu yonale.
Ephorus ota ti: “Aathiopia oya li mboka ya talika ko ye na evi komunkulo gwokuumbugantu gwaAsia naAfrica,” ta ti ndika eyitaalo lyaaNgeleka yonale.

Ngashiingeyi out na ontalelo ya Stephanus gwaByzantium kutya: “Ethiopia okwa li tango a totwa po onga oshilongo shotango kevi, naaEthiopia oya li oyo yotango ya toto po okutanga Kalunga, naamboka ye yap o nooveta.” Iinima mbyoka ya thigwa po komahumokomeho ngaka oya adhika moNubia, Egypian Sudan, Muuninginino waAfrica, Egypt, Maashonaland, India, Perisia, Mesopotamia, Arabia.
Ehumokomeho lyotango lyaMasepotamia olya li lyaaSumeria. Oya li ya talika ko onga Assyrio-Babylonia sho omitse dhawo omiluudhe niipala iiluudhe, nohaya ulikwa onga aantu yaa na oombezi yo ya kululwa.Shika osha li tashi ya yoolola kaaSemitic Babylonians, mboka ye na oombezi nomafufu omale.

Oshilongo shimwe sha za moEthiopia oshiyamba oElam, oshilongo shoka sha za komulonga gwaTigris sigo okoondundu dhaPersia. Oshilando shasho oSusa, shoka sha li sha totwa moomvula 4000, nosha li sha hanagulwa po kaaMoslem.

Aantu mboka ya kala moIndia tango oya li ye na ontsapo yaaEthiopia. Aaleshi oyendji yondjokonona oye shi kombinga yaCelts, osho wo Aaeurope yotango, mpoka aawuvithi yawo ya li ya tseyika nedhina Druids. Sir Godfrey Higgings, konima sho a pekaapeka okwa ti oya li aaluudhe. Omuplofesa Leo Wener okwa li a shanga embo, moka ta popi kutya muuyuni uupe owa li wa monika nale kaAfrica manga inawu tseyika kuColumbus.

Oohapu membo lyaRevelation 3:9 motadhi ti, “Otandi ningi mboka ye li moshinaagoga shaSatan, mboka haya ti yo aaJew nonando hasho, otandi ya ndi ya gwithe poompadhi dheni noku itaala kutya onde mu hola.
Kumbokaya tsika, patululeni omeho geni e tamu ekelehi uukoloni wu li momitse dheni ee tamu tseya kutya Africa oye ontsapu yeputuko.

LEAVE A REPLY

Please enter your comment!
Please enter your name here