Aahikingalo ya mwenyeke noongalo dhawo dhonale koSYM

0
25

Pinehas Nakaziko

WINDHOEK-Killa-B naSunny Boy oyo aahikingalo mboka ya li ya mwenyeke kamana kandongo noongalo dhawo ndhoka ya hika, nenge ya imba omathimbo gonale, konyala uule woomvula omulongo dha ka pita.

Shika okwa li sha ningwa pethimbo lyooshiindingili shegandjo lyomapole omape, ga etwa po koshikundaneki shomoshilongo shedhina Simply You Magazine (SYM).

Egandjo lyomakopi ngaka nedhina lyomoshiingilisa ‘SYM Lifestyle and Fashion Awards’ okwali ga gandjwa ongulohi yOlyomakaya, pehala lyoNational Theatre of Namibia (NTN).

Nonando ehuku lyoshiindingili shika okwa li okugandja omakopi kAanamibia mboka ya longa sha shomupondo nokusimaneka omadhina gawo, oshitopolwa shoongalo ongulohi ndjika osho sha li sha dhenga mbanda, moka aahikingalo ya li ya ulike uunongo wawo yo ya nyanyudhe engathithi lyaatali omayovi mboka ya li ya holoka.

Sunny Boy okwa li a imbi oongalo dhe mbali, Summer Time naBalance ndhoka dha li dha piti nale mooalbuma dhe dhopetambeko, Omanga Killa Bi a li a imbi oongalo dhe dha za moalbuma ye yotango Shebeen Dance, dhedhina Okuza Nale, Elogo noonkwawo odhindji. Kakele kwaashoka, Top Cheri okakadhona hoka opo ke ya mowela oka li ishewe ka imbi ongalo yaLady May ndjoka yedhina Chokola. Jackson Wahengo okwa li imbi ongalo ndjoka ya Tate Kwela yedhina Kanailonga, ndhoka inaadhi thiga omuntu omutumba.
Elalakano lyoku imba oongalo ndhika dhonale okwa li okudhimbulukwa oongalo ndhoka dha li tadhi inyenge nawa omathimbo ngeyaka ga li omayamba.

Kakele kwaashoka, shika inashi imba nando shoka sha li sha enditha aantu uusiku mbuka, moka nantango egandjo lyomakopi lya li lya ende nawa. Omuhikingalo Lize Ehlers okwa li oye a sindana po ekopi ndyoka enene lyoSYM Diamond Awards.

Aasindani ooyakwawo ongaashi Erastus Mathews, ngoka oye a sindana onga oye omunduluki gwomizalomwa dhingi moshilongo omvula ndjika. Wellem Kapenda okwa li a sindana onga oye omuyendi dhingi omulumentu, omanga Princess Tzozongoro oye omuyendi omukadhona dhingi.
Ndjika onkundana ombwaanawa kumboka ya li ya holoka petseyitho neuliko lyoshiithanene shika sha li sha ningilwa poNice Restaurant and Bar oshiwike sha zi ko, sho mboka ya li po ya li ya holola enyanyu lyawo nomiipala.

Egandjo lyomakopi ndika olya li lya mono Aanamibia ya adha 18 taya imemeha, sho ya li ya mono esimaneko ndika.

LEAVE A REPLY

Please enter your comment!
Please enter your name here