DJ Maldini Kushikulesha ta tsikile nokumwenyeka aapulakeni yaNBC Kati FM

0
215

Oshakati – Daniel Ashipala ngoka a tseyika nawa kaalanduli ye onge DJ Maldini oku li ta pula komeho konima yomimvo 10 sho a li a wayimine ehangano lyokutuma omawi mombepo NBC Kati FM.
Kundana okwa li a yi moonkundathana naDJ Maldini noku uva ombahu nokawawa kombinga ye , omumati Keshikulesha ngaashi oyendji yomaapulakeni yoRadio yOshiwambo ye mu shi.

“Edhina Maldini onda li nde li pewa pethimbo nda li mosekundosikola yaGabriel Taapopi moka oyendji ya li ya dhidhilike kutya okudhana kwandje etanga onda li he dhana nda fa Paolo Maldini ngoka a li omudhani gwa Italy pethimbo ndiyaka, Kushikulesha olya li lya zi sho olundji aapulakeni yaKati FM ya li no ku nyenyeta kutya ka ndi shi kulesha omatumwalaka kopolohalama eyakulo pethimbo sho nda tameke iilonga onkene onda tokola opo ndi iyithane ngayemwene kutya ongaye omumati keshikulesha,” Daniel Ashipala tati.
Sho nda li mosikola okwa li nda hala oku ninga omulongisikola , ashike konima yethimbo onda li nda kwatwa kohokwe yo ku ya moshikondo sho ku taandelekitha uuyelele mo ku gandja omulombo.
Maldin okwa mona onkatu melongo muutoolinkundana ndjoka eyi likola koshiputudhilo sho Nust na oku li a longela Kati FM ngashingeyi omimvo 10.

“Iilonga mbika ondi yi hole oshoka oha yi nyanyudhandje na kehe esiku oha ndi tsakaneke aantu aape ya za momidhingoloko dha yoloka na oha shi gwe dha ko ko tseyo yandje yesiku kehe,” Maldini tati.

Kepulo kutya omashongo geni ha tsakaneke miiloonga ye “Olwindji okumona oongalo tadhi opalele aantu ayehe mboka haya pulakene oradio esiku nesiku naashika onde shi tala ko onge eshongo enene oshoka otashi pula uule womadhilaadhilo opo wu kale ho shomonona oongalo nawa oshoka oongalo dhimwe odhi na iitya inayi opala okuya mombepo nosho tuu,” Maldini ta tsikile.

Maldini ngoka ha wilike unene oopolohalama dhoongalo nosho wo dhuunona otwa li twe mu pula wo kutya oshiningwanima shini ita vulu oku dhimbwa monkalamwenyo ye sho e li mo NBC “Nale sho opo nda tameke iilonga onda li esiku limwe nda tameke oku opolohalama yandje yoongalo ashike onda li nda ningi konyala oominute omulongo andi ipopile owala oshoka onda li nda dhimbwa oku ndeleka okambanda hoka ta ka tulandje mombepo ohaluka ta ndi pulwa Maldini oto ningi shike ano ngaye no ku yamukula ondi li mombepo , wu li mombepo ngoye ino tula mo okambanda komombepo, okuza kesiku ndyoka iha ndi shi dhimbwa we tu nando.
Malidini oku li wo omunangesefa moka a li a tameke nokasitola kokulanditha oongalo , nopayife oku li oye mwene gwoKatololi Bar noKatololi Dry Cleaner mOshakati.

Kepulo kutya ohe she enditha ngiini okutopola ethimbo niilonga ye koNBC okwa li a holola kutya kehe shimwe monkalamwenyo otashi vulu okuningwa shampa owala omuntu e shi kukwata ethimbo nawa.

LEAVE A REPLY

Please enter your comment!
Please enter your name here