Dragon-Silicon noongalo dhopambepo

0
66

Pinehas Nakaziko

WINDHOEK-Omwiimbi ngoka e li e shigamena moshitopolwa shaShana mOngwediva, Heinrich Razarus, a tseyika nawa moongalo nedhina Dragon-Silicon onkene e li ta tsikile noku shi enditha nawa moongalo dhopambepo.

Shika okwa li sha holoka sho omwiimbi nguka a li a pititha oalbuma ye ompeempeka ndjoka yi na omulyo gwoongalo dhopambepo tagu inyenge nawa yedhina Onkugo Yepongo.

Oshipandi shoongalo ndhika dhi li 17 oshi na omayimbilo ga yoolokathana mwa kwatelwa gopambepo, Afro Pop osho woDancehall.
Moalbuma muka otamu adhika ishewe omayimbilo ngaashi Mwenyo Mwiinayi, Mama Africa moka ta kwathelwa kuBunju naChika, Onkugo Yepongo ta kwathelwa  kuDragon-Tungsten naDj Kayon, osho woo Kwata M’kweni okutumbula po ashike dhimwe.

Oalbuma oyi li ya ningwa komikwelengendjo kuDj Kayona naDj Wiclip. Ongalo yaDragon-Silicon Mwenyo-Mwiineyi oya li ya piti tango omvula ya za ko onga ehwahwameko lyoongalo ndhoka tadhi ka kala moalbuma muka, noyi li yi na etumwalaka ndyoka lyanuninwa aalumentu, moka taya kunkililwa opo kaaya kandulepo uudhigu nuudhigu uukwawo, yo ya yande iinima iiwinayi. Kakele kwaashoka, ongalo otayi popi ishewe kutya omwenyo omwiinayi oluhepo.

Dragon-Silicon oye ngoka a tseyika nawa ishewe onga gumwe gwomaayimbi yongundu yoDragon, ndjoka ya tamekele oku imba okuza mo2013, pamwe nookume ke yaali, Dragon-Tungsten naDragon-Silver. Aaimbi mbaka oya li ya pititha oalbuma yawo yotango yedhina Pizza mo2014, ndjoka ya li yi na oongalo 14, nomwali tamu adhika oongalo ndhoka oombwanawa ngaashi Nandjenda Kadhuuluma, Sonia naJesus, dha li dha taambwa ko koyendji.

Omvula ya piti Dragon-Silicon okwa li a tameke okuninga omayimbilo ge yemwene, molwa oshitalenti she shoka e na.
Ngashingeyi oku li a tula ombunda moshihwa, moka e li ta ilongekidhile okupititha oalbuma ye yedhina Onkugo Yepongo. Oalbuma ndjika otayi ka pita kuyele omvula tayi ya, moka tamu ka kala mu na omayimbilo taga tungu.
“Onda hala owala kutya ehangano lyomoshilongo olyi li tali pula komeho esiku nesiku, naahingingalo Aanamibia otaya tameke okulongela pamwe.”

LEAVE A REPLY

Please enter your comment!
Please enter your name here