Military School a ndjika oonyala mevi… Ehuliloshiwike ndika omapu otaga zi moongongo

0
62

Shipi Elago

Oshakati – Osipana yoshiputudhilo shetanga lyegameno ndjoka yi na iipulitho okuya koPremier Liha oshiwike shika oya li ya zi mokalungu kutya otayi ka ninga oonkambadhala kehe taya vulu opo ya ka dhane moPremier Liha ngele oya sindana po oliha yoNorth West First Division.

Nando osipana ndjika oyi li koontundulu opo yi wayimine oliha onene moshilongo otashi vulika itayi ka pitikwa yi dhane moliha ndjoka molwa omatompelo kutya omu na nale osipana omwayina yoMighty Gunners ndjoka yi li wo yetanga lyegameno.
Okatendo kamwe komomawutho gaNPL otaka holola kutya kape na omuntu nenge ehangano tali ka pitikwa okukala lyi na oosipana mbali moliha yimwe, ashike osipana yaMilitary School oyi li ya dhenga oompadhi pevi nokupula kutya omolwashike elelo lyoliha yoFirst Division ndjoka yi li ya yama kuNPL ya li ye ya etha opo ya hepeke oonkondo dhawo moku ya taambela moliha ndjika manga ye shi shi kutya ngele oya sindana oyu uka kokwena kwa hula.

Omunambelewa gwosipana ndjika ngoka ina hala edhina lye lya holoka moshifo okwa li a holola kutya Military School oku li ta ningi oompangela nkene e na oku enda oshikumungu shika nonando ka li a yi muule washo oshoka oompangela odhi li natango petameko.
Okwa ti otaya ka ninga ashihe taya vulu okufala osipana ndjika koliha yopombanda moshilongo kutya otashi pula shike.
Ashike Military School oku na okukutha manga endangalati mondjila ndyoka lyi li molupe lwaAfrica Motto ngoka naye e li a tala omeho omanene koliha yaNPL.

Oosipana ndhika mbali sho dha li dha tsakanene ehuliloshiwike lya za ko mOkahandja , Motto okwa li a pewa ondhimbo yimwe nomiiyagaya naashika osha ninga onkalamwenyo ye ondhigu muudhano we womegumbo oshoka ngele okwe etha ishewe a tulwe okoola yimwe nena oku na okusindana po uudhano mbuka nookola ndatu nenge dhi vule po.

Shiti ota ka tekela mbundje pokapale koIndependence Stadium Osoondaha ndjika sho olweetho olutiyali pokati koosipana ndhika mbali talu ka shuna mondambo muudhano mboka wa tengenekwa tawu ka tameka potundi ontimulongo yongula.
oongongo

LEAVE A REPLY

Please enter your comment!
Please enter your name here