Omukwiita metanga lyegameno a sa moshiponga shohauto

0
283

Loide Jason

WINDHOEK-Opolisi yomoshitopolwa shaMusati otayi konaakona oshipotha kashi shi shoshiningilawina sho omulumentu gwepipi lyopokati a si sho oshihauto moka a li e li sha kondama mOsoondaha ya zi ko.

Oshiningwanima shika osha ningilwa mondjila onene yopokati kOutapi nOkalongo potundi 17h50 pomukunda gwedhina Omhemba moshikandjohogololo shoAnamulenge moshitopolwa shaMusati.
Nguka okwa li omuniilonga metango lyegameno, a li omukwaita, nokwa li ha longele pOsona, mokamba yaakwiita metanga lyegameno pOkahandja

Omupopiliko gwopolisi moshitopolwa omo tuu moka Inspecta Lineekela Shikongo okwa koleke onkundana ndjika nokwa lombwele Kundana kutya omuhingi ke na ombapila yokuhinga ngoka a li ta hingi okahaouto koToyota Runx, okwa li ta hingi ta zi kOutapi a uka ombinga yaKalongo nokwa kanitha okondolola yohauto ndjoka.
Okwa ti ohauto yonomola N 29814 SH, oya gu nduno pontopa yedhina Ouhandelo ee tayi galangata.

“Anuwa omuhingi ngoka okwa li ta hingi e li oye awike moshihauto moka nokwa hulithile poshiponga mpoka,” osho Lineekela a ndjokonona ngaaka kuKundana Omaandaha gwoshiwike shika.
Okwa ti kutya omuhingi nguka okwa tongolololwa Nuuyoma Hainyeko Sackaria e na omimvo omilongo 31 nokwa za komukunda
moshikandjohogololo shAnamulenge..

Shi ikololela kuuyele wa gandjwa kuShikongo aniwa omudhimba gwa nakusa ogwa falwa kokila yopolisi kOkahao opo gu ka tandwe nokukonaakonwa ku vulike kumonike osheetithi sheso.
Shikongo okwa ti omakonaakono moshinima shika otaga tsikile naapambele yanakusa oya tseyithilwa nale eso lye.

LEAVE A REPLY

Please enter your comment!
Please enter your name here