A pewa i ifutile mo nooN$3000… Sho a fala yaali konakupila noshihauto

0
140

Loide Jason

WINDHOEK – Omulumentu gwoomvula omulongo 19 okwa li a pewa i futile mo mondholongo sho a lyata omukulukadhi noyana yaali noshihauto shoka sha li kashi li kopate paveta.

Kamhulu Mukwambi Tangeni okwa li a lyataaantu yatatu, moka yaali, omukulukadhi gwomimvo omilongo 35 nomonamati gwomumvo gumwe ya sile poshiponga mpoka taku hokolowa shi nyanyaleka.

Okwa hokololwa kutya omweendi gwokoompadhi omutitatu ngoka woo a valwa komumwayina gwanakusa, ngoka e na omimvo 15 okwa li a mono oshiponga noonkondo nokwa li a falwa koshipangelo shepangelo shaShakati hoka e li ta mono omayakulo gopaunamiti.
Nguka okwa li a holoka mompangu oshiwike sha zi ko nokwali a pewa i ifutile mo mondholongo noshimaliwa shooN$3000 omanga oshipotha she sha undulilwa komesho komasiku ge li 30 Kotomba omvula oyo tuu ndjika.

Omupopiliko gwopolisi mOshitopolwa shaMusati Inspecta Lineekela Shikongo , okwa hokolola kutya omulumentu ngoka Tangeni okwa kala nokuhinga osheenditho shoka kee na ombapila yokuhinga okuza kOutapi okuya koRuacana pethimbo oshiponga shoka sha holoka.
Ashike oonzo dha inekelwa nawa kuKundana odha hokola kutya aniwa nguka oku na omageelo ogendji ngoka a li apewa kaapolisi mboka haya ungaunga nelongitho lyoondjila kaahingi nomahauto .

Ihe aniwa Tangeni kemanya ku za woo ontsi. Okwa tsikile ashike aniwa nokuhinga kee na omikanda ndhoka dha uthwa oku monika opo omuntu a kale e na epitikilo okuhinga kopate noshowo okuhinga oshihauto shoka hashi londeke aakwashigwana.
Shikongo okwa popi kutya mboka ya sila moshiponga moka oya tongololwa onga Namutenya Teodensia Shikongo naAkenye Herman Mwatukange ya za komukunda Oikwa moshikandjohogololo shaOutapi .

Oshiponga shika osha li sha ningilwa pomukunda gwedhina Olupaka moshikandhohogololo shaOutapi moshitopolwa shaMusati oshiwike sha zi ko .

LEAVE A REPLY

Please enter your comment!
Please enter your name here