A tsuwa negonga ee ta si molwoontamanana kombinga yongodhi

0
376

Maria Amakali

WINDHOEK – Aantu ye li omulongo nayaali oya kanitha oomwenyo dhawo mehuliloshiwike lya za ko. Omaso ngaka oge etwa kokudhipagathana, iiponga yomoondjila osho wo omaikuthomwenyo koombinga noombinga dhoshilongo, moka mwa kwatelwa gumwe ngoka a si medhina lyongodhi yopeke.Shi ikwatelela kopolisi, nakusa ngoka a tongololwa kutya oye Kahepako Tjieza, okwa li moontamanana nomulumentu gwoomvula 20 shi na sha nongodhi ye ndjoka a li aniwa a gandja sho a tsuwa negonga montulo. Oshiningwanima shika tashi tilitha osha ningilwa kofaalama yedhina Otjomukona moshitopolwa shaAminuis.

Oshitopolwa shaKhomas osha lopota omaso gane moka gatatu gomadhipago nalimwe eso sho gumwe a ponokelwa kukatali.
Opolisi yaWanaheda oya lopota eso lyomunamimvo 29, Losina Niho, ngoka a li a tsuwa nombele moombati dhokombinga yokolumoho, konima sho a li ta ningi onkambadhala yokupoleka oontamanana ndhoka dha li pokati komuntu gumwe e na omimvo 47 namukwawo gulwe. Omufekelwa okwi igandja momake gomakootili. Oshiningwanima shika osha li sha ningwa mepandaanda lyedhina Oshakati moHavana moWindhoek.
Opolisi tayi lopota wo natango eso lyaBenjamin Urion, 40, ngoka a li a si konima sho a li a ehamekwa mOlyomakaya kofaalama Kransneus mOsoondaha koGroot Aub. Urion anuwa okwa li a pewa omalunta naandhoka dhopomeho nokwa ka sila moshipangelo shepangelo shaKatutura. Oshipotha shedhipago osha patululwa nomulumentu gwoomvula 21 okwa tulwa miipandeko onga omufekelwa, omanga naku fekelwa a li a longo pamwe naye oshimbuluma shika inaa kwatwa natango.

mOsoondaha opolisi yaKaribib oya lopota oshiponga shomulilo shoka sha li sha dhipaga Josefine Beukes, 47. Ondalu yaNelyanga oya li ya dhipaga Beukes konima sho ombashu moka a li a lala ya yaka omundilo molukanda lwaHarambee moKaribib. Otaku fekelwa elehite olyo lya eta omundilo nguka gwa yangata po ombashu.
Moshiningwanima shi ili, omukulupe gwoomvula 61 okwa li a hulitha sho a mbotswa koshihauto mOlyomakaya ga za ko. Nakusa nguka oye Mojenda Stephanus nokwa li a mbotselwa mondjila onene yaHosea Kutako, konyala ookilometa 3 muuninginino wofaalama yaKapps

LEAVE A REPLY

Please enter your comment!
Please enter your name here