Indonesia okwa fila ondjala ombelela yaNamibia

0
43

kuAlbertina Nakale

WINDHOEK – Minista woipindi neefabrika Tjekero Tweya okwa holola kutya Indonesia okuna ohokwe oku ya momalandifilo okulanda ombelela kuNamibia.

Oshilongo eshi Indonesia, oshi na oununu vomefuta vedulife po 18 000.
Tweya edi okwe di popya pefimbo a li ta vilikile oikundaneki keumbo lepangelo shina sha netalele po laye koshilongo oko, oko a li a ya pamwe naPresident Hage Geingob pexulilo la Aguste. Okudja opo, okwa ya koChina oko a kwali a ya koshiongalele sinasha nelongelokumwe pokati kaChina na Africa (FOCAC) shali koBeijing mefiku 1 Sepeteba.
“Indonesia okwa ulika ehalo oku landa ombelela yongobe kufye. Mopaife ohave mono ombelela kumwe kulili ashike ova ulika kutya ova hala va kale tava lande ombelela kuNamibia,” Tweya ta ti.

Onghene a pula opo ovanafaalama Ovanamibia va hapupaleke ombelela yongobe oyo hava tula momalandifilo, ta ti ombelela yomoNamibia oiholike moilongo ihapu mounyuni.

Kakele kombelela, Tweya okwa weda po kutya Ovaindonesia ova hala vali okulanda oikwashi moNamibia, unene eenghofya. Ta ti oshilongo eshi sha Asia osha hala yoo okulanda oikwamina moNamibia ngaashi oZinc.

Tweya ta ti Namibia oku na omhito toku nghopeka oikwafaabulika yaye unene moikwangodi oyo ta kala ta kufa koIndonesia. Indonesia, oshilongo osho shi yadi Ovamuslim mounyuni, osho yoo shi kengeli moumbuwanu-ushilo waAsia.
Pauxupi Geingob okwa ti Indonesia oha lande oshikwamina shozinc shili ngaashi shili, omanga Namibia ha lande oinima ngaashi omakenya noilongifomwa yopaunamapya ko Indonesia.

Ta ti Indonesia okwa kala alushe ha kufa ombinga momalandifilo opaipindi moNamibia. Geingob ta weda po vali kutya Namibia okweli longekida okuyandja edu kukeshe omunailongo oo teuya okweeta efaabulika moNamibia odo monakuiwa tadi ka etela Ovanamibia eemhito doilonga noku xumifa komesho eliko loshilongo.

Shinasha nomutumba woFACOC Geingob okwa ti China otaka tameka diva okulanda ombelela kuNamibia. Kuyele neudo China okwa ninga eingido kutya otaka kufa po oveta inasha nomukifi woshipa oyo yali haiimbi oshilongo osho opo shi ha lande ombelela kuNamibia.
“Otwali twa Shaina lwotete momudo 2010 opo tu kale hatu tumine ombelela koChina.

Ashike okutula oshinima eshi moilonga kasha li shipu. Eshi twali twa ninga etalelepo lopambelewa koshilongo oko muMalisa/Apiilili, otwa li twa talulula einda olo, ashike efimbo olo otwali twa lombwelwa nomufindo [kOvachina] kutya “fye otwa hala ombelela ya Namibia”. Lao linene mongudo yetu omwali muna omukwatelikomesho nomunashipundi waMeatco, nomolwaasho twali twa dula oku kufa mo omainda oo kwali tae tu imbi oku landifa ombelela moChina,” Tweya ta ti.

Ta ti Namibia oku na elineekelo kutya ombelela yaye otaiu kaya diva momalandifilo moChina.
Mongaha Namibia oha landifa kondje yoshilongo oikwambelela ngaashi koSouth Africa ifike peemetrix tons dili 17 000 kodula, neemetric ton dili 10 000 oko European Union (EU) na dili 1850 oko Norway.

LEAVE A REPLY

Please enter your comment!
Please enter your name here