Omakonaakono melimangeloko lameningela waStyle otaa ka tameka

0
692

Komutoolinghundana

OPUWO – Omakonaakono mefyo lelimangeloko lameningila mofitola yoStyle Clothing kOpuwo, okwa teelwa a tameke diva.
Edi oda tongwa kuVictor Hamunyela oo eli hamushangandjai ta kalelela wehangano lovanailonga li lile po ovanailonga vomeefitola loNamibia Wholesale and Retail Workers’ Union (NWRWU).

Otaku hokololwa Secilia Imene oo a li meningela wofitola yedina Style Clothing kOpuwo a xulifa kuyele omwedi wa dja ko, taku fekelwa kutya okwe etelwa efyo eli komafininiko nefindilokongudi e li ningilwa kovahona vaye.

Imene oo a fiya po ohanana yeemwedi heyali otaku hokololwa e li mangelekela mondunduda yaye yokunangala, konima ashike eshi a yandja elombwelo kovahona vaye, mwa kwatelwa omutonateli woshitai shaPuwo nameningela woshitukulwa shokonooli Corry Barnard kutya ota ka fiya po oilonga meni leevili 24.

Sha landula onghondja yoNWRWU, Omukulunhuwiliki wehangano leeStyle okwa fika oshivike eshi moNamibia opo ku talike kutya oolyelye ve na mo olunyala mefyo laSecilia voo va tulwe pedu pakafimbo manga ko ku tamekiwe nomakonaakono.

Omanga ine likufa omwenyo, Imene okwa hokololela omunailonga pamwe naye nghee ovahona vaye va kendabala okulongifa ovanailonga pamwe naye opo va tule omavalulo oimaliwa ofitola mehalakano opo ve mu teyele omwiyo voo ve mu taataye moilonga.
Mokaudio keenghundafana nomunailonga pamwe naye Imene okwa hokolola nghee a uda umwe womovahona vaye nghene ta lombwele ovanailonga mofitola kutya nava popye ngeenge inava hafela okukala koshi yelelo laImene.

Konima eshi a xulifa, ovahona vaye vati ova kendabala okuholeka oshietifi shelimanageleko tava ti vati Imene okwa li e na omukifi ihau veluka, nomolwaasho a ya fiyo oponghatu opo e likufe omwenyo.

Momukanda wa monika kuKundana, wa nyolelwa eemeningela moStyle, Corry Barnard ota kumaida opo eemeningela di li metonatelo laye di tofe mo ovanailonga ovo ve na omikifi opo va dule oku kwafelwa pefimbo, sho oshinima sha maningela wofitola oo e li kufa omwenyo shi ha endululwe vali.

Omushangwa oo Hamunyela ota ti kau li pauyuuki nowa nyolwa okudenga ovanhu oixwa komesho, po paha konaakonwe oshietifi shefyo laImene.

Eshi oshifo eshi she li xula okupopya naHamunyela, Hamunyela okwa li a shiivifa kutya omutwe weeStyle adishe hano CEO okwa fika moNamibia, nokwa li kwa itavelwa opo ku totwe okakomitiye kokuninga omakonaakono mefyo eli.
Eshi a li a dengelwa koshifokundana shimwainana naKundana shoNew Era, Barnard okwa li a tya ye ita dulu okutya ko sha manga kefyo laImene shaashi oshiningwanima oshi li metifa, tashi ningilwa omakonaakono.

LEAVE A REPLY

Please enter your comment!
Please enter your name here