Omunaskola Omunamibia mondholongo yaTurkey molwomapangwe

0
477

Komutoolinkundana

WINDHOEK – Omunaskola Omunamibia, oku li mokakuma mondholongo yaTurkey, a patelwa mo sho a monika ondjo konima sho anuwa a monika kutya oha landitha iingangamwithi moshilongo shoka.

Anton Matengu Nchindo Matengu (23) Omunamibia, noshowo omukiintu Lisa Mupanguri omukwashigwana gwaZimbabwe oya li ya pewa egeelo lyomimvo ntano konima yekumba, omanga Shilao Wesley Mogano ngoka naye omukwashigwana gwaZimbabwe omukiintu a takelwa owala omunwe sha landula sho ya li ya adhika niingangamithi muJanuali nuumvo.

Mbaka oya kala konima yekumba ethimbo alihe, nonando etokolo lyompangu olya li owala lya ningwa ehuliloshiwike lya zi ko.
Mboka ye na uuyelele moshinima muka otaya hokolola Mogano a kengelele Matengu nokumuhigila momake gaapolisi, konima sho ye (Mogano) a kwatwa niingangamithi.

Mogano anuwa okwa pulwa opo a gandje edhina lyaangoka he mu landitha iingangamithi mbyoka taku tiwa epangwe, opo ye a mangululwe. Mokuimonena emaguluko lye, Mogano anuwa okwa dhengele Matengu a fa a hala natango okunwa epangwe, naasho Matengu a yi hoka ku na Mogano okwa adha ko aapolisi.

Mupanguri ngoka anuwa naye e li melyenge limwe naMatengu, ye anuwa okwa kwatelwa koongamba dhaCyprus lyokuumbugantu e na epangwe lyoograma 196 anuwa okwa li e na elalakano lyokufala iingangamithi mbyoka kuMatengu ngoka ha sikola kouniversiti yili koCyprus yokuumbangalantu

Mupanguri naMatengu oya li ya pewa egeelo ndjoka ehuliloshiwike lya zi ko.
Mupanguri anuwa okwa lombwele ompangu kutya ye okwa li ta ka landitha epangwe ndyoka opo a vule okufuta oskola ye nohiila, sho a pewa uuyelele mbuka kumwene gwegumbo mpoka ali ha hiila.

Ta ti ye okwa li a landa iingangamithi mbyoka lwiikando itano ee te yi etele Matengu opo a landithe.
Lisa ye okwa futu iimaliwa yi thike po700 euros kuMatengu a landa iingangamithi yooglalama56 moNovemba 30, 2017, 70 euros a landa oogalama56 momasiku Desemba 7, okwa longitha oshimaliwa shoo350 euros a lande oogala 28, omanga momasiku Desemba 15, a longitha 350 euros a landa ishewe 28.

Mupanguri anuwa okwa li ha monoko ooeuro 50 kehe ethimbo.
Commissioner Kanguatjivi okwa ti oshiningwanima shika kasha li sha thika mo natango momakutsi gOpolisi yaNamibian oshowo naangoka goInterpol.

LEAVE A REPLY

Please enter your comment!
Please enter your name here