A ponokele megumbo lyaantu e ta dhipagwa

0
943

Victoria Kaapanda

OHANGWENA- Omulumentu gwoomvula tadhi tengenekwa 30 lwaampoka okwa li a hulitha sho a yahwa ongulohi yEtiyali momukanda Oshikwiyu,moshikandjohololo Endola moshitopolwa shaHangwena.
Omupopiliko nomugandjimawuyelele Kaume Itumba okwa li a lombwele onzonkundaneki ndjika ta ti oya li ya lopotelwa oshiningwanima shoka potundi 22h00 ongulohi yEtiyali.

Otaku hokololwa kutya omulumentu ngoka ke shiwike kedhina. Nokwa kala e shininga omukalondjigilile oku iyakela megumbo lyaantu omausiku. Taku hokololwa kutya iikando ya adha pwiitatu a ponokela egumbo lyaantu uusiku, nelalakano lyoku kala omutumba momweelo gwondunda yokulala yomusamane mwene gwegumbo ashike iha zi mo a yaka nando osha shomegumbo.

Oshikando shoka omusamane mwene gwegumbo okwa li a tokola oku mu yaha nondjembo nokwa li a huluthile megumbo moka.
Itumba ota indile moshigwana ngele ope na aakwanezimo ya kanitha omulumentu omuluudhe molwaala, az ala ondjiina ombulawu nokambindja okambulawu, okwa adhika kena oongaku koompadhi ye oku na ongwala momutse opo ya kale ya thika meendelolo poshitaasi shopolisi shaHangwena.

LEAVE A REPLY

Please enter your comment!
Please enter your name here