“Inandi etha oku imba” Killa-B

0
134

Pinehas nakaziko

WINDHOEK – Killa-B, omuwiimbi gwoongalo dhoKwasa Kwasa nomukalimo gwomonooli yoshilongo mOnathinge moshitotoplolwa shaShikoto okwa ti ye ina etha okwiimba, noongalo dhe onkene dhi li tadhi pula komeho.

Killa-B shika okwa li e shi popi sho a kwatathana noshifo shaKundana oshiwike shika, pethimbo a li a holokele moshilando  uule woomwedhi oonshona, nelalakano okumana opoloyeka ye yoongalo ndjoka e li i ipyakidhila nayo nuumvo.
Killa-B ngaashi naana a tseyika nawa koyendji noongalo dhe ndhoka a li a imbi oomvula omulongo niihupe dhaka pita ngaashi Kuzanale, Elago osho woo Bantu Wantu, okwa ti ye okwa ningi oomvula ta shanga omaimbilo ge omape, ngoka a hala ga kale moalbuma ye ndjika ya tengenekwa yika pite omwedhi twa taalela.

Killa-B ngoka oye ishewe omu imbi a li anyanyudha noku mwenyeke engathithi lyaatali oyendji mboka ya li yaholoka koshituthi shegandjo lyomapapa sho shikundaneki Simply You Magazine (SYM) okwati nuumvo aaholi yoongalo ye otaya kamona shoka akala ta ningi uule woomvula adhihe ndhika, noku ulika kutya natango oshitalenti omoshili muye.
Kakele kwaashoka, Killa-B okwati ye okwa shendja omulyo gwoongalo dhe, opo dhi kale tadhi nyanyudha aapulakeni unene tuu komahala gwoku inyanyudha.

Killa-B okwa notheleko Kundana kutya oalbuma ye otayi ka lukwa Lets Dance, shoka tashiti itu ndaaniseni.
Moalbuma muka Killa-B okuli atula uukuni kumwe nehangano  lyoDeal Done Records, ndjoka tali kemukwathela oku tseyitha noku taandelitha oongalo dhe opo dhithike kaaholo yoongalo dhe konyala ayehe.

Oalbuma ndjika oyina oongalo 11, ndhoka Killa-B tati otadhi ka mwenyeka noonkondo no itadhi ka thiga emanya lyalonda kekwawo. Kakele kwaashoka, moalbuma okuli ishewe alonga naa imbi ngaashi Top Cheri, Magogoz, Michael Pulse, Richard Meyer, Kamby na Zach. Oya ningwa omikwelengendjo kuAndrew, Elvo na Mas Tropical.

Killa-B okwati ye okwa longa ishewe nomu etipo gwomikwelengendjo omuZambia Potipher opo agwedhemo omulyo gwopondje yiilongo. “Ndjika oyo oalbuma tayi kagalula edhina Killa-B mehangano lyoongalo, oshoka oyendji oyakala tayati onda etha oku imba, ashike shika kashishi shoshili,” Killa-B tati ngaaka.

Okwagwedhapo tati oalbuma ndjika otayi ka kala yina uuvidio woongalo waadha puuhamano, mwakwatelwa Kilikinya, hoka ya imba pamwe na Magogoz.  Okwalombwele ishewe opo aaholi yoongalo dhe ya kale yaka nkama manga teya ningile iinima iiwanawa, yo yam one kutya Killa-B nbatango oye dhingi.

Kilaa-B okwali ahulu oku pititha oalbuma mo2014, konima sho ali apititha Kyk en Loss, ndjoka kwali yanunimwa oshikonga shokutaandelitha edhina lyomuperesitende Hage Geingob opo asindane omahogololo.

LEAVE A REPLY

Please enter your comment!
Please enter your name here