Kashuupulwa a sila enota uushili mOshitopolwa shaShana

0
72
ONDANGWA, 08 March 2016 - Governor of the Oshana Region, Clemens Kashuupulwa. (Photo by: Mathias Nanghanda) NAMPA

Victoria Kaapanda

ONDANGWA-Moompito odhindji uulingilingi moshitopolwa shaShana ohawu indjipala, ngele kape na uukwashili, nongele itapu dhidhilikwa shoka shi li mondjila nokwoopaleka shoka sha puka moshigwana. Ngoloneya gwoshitopolwa shaShana Clemens Kashuupulwa osho a ti ngaaka, omandaha goshiwike shike mOndangwa.

Kashuupulwa ndhono okwe dhi popi sho a li ta patulula edhewulo pambelewa ndyono lya li lya longekidhwa owina kehangano lyi li ompinge nuulingilingi (ACC) opamwe nombelwa yElelo lyOshitopolwa shaShana nkene uulingilingi wu na okulumbwa nawo noku wu kandulapo.
Edhewulo ndyoka lya li lya kwata omasiku ge li gane, okwa li lya simana kaaleli ayehe yomoshitopolwa shaShana, oshoka okwa li ya pewa omalongo nuunongo nkene ye na okukeelela uulingilingi, yo ya vule ya ka longe nokuuvitha ko aakwashigwana.

“Okuthika po kweni mesiku lyeni mehwata lyi thike mpano, otaku gandja edhilaadhilo ewanawa notaku ulike kutya iitopolwa yomoShana otayi ka kala ya manguluka kuulingilingi monakuyiwa,” ngoloneya ta ti ngaaka.

Kashuupulwa ta ti omalongo agehe ga li ga gandjwa medhewulo ndyoka lyomasiku gane otaga yambula po oshigwanwa noku shi pa oondunge dhomondjil mokulongitha nokukwata nawa iilongithomwa yoshigwana oshowo okunenepeka ukwashili, nokusila oshimpwiyu iinima ya yela yaa na uulingilingi moshigwana.

Omukuluntu mombelewa yoACC Helena Iitula okwa ti edhewulo ndyoka olya li tali londodha aaleli ya kandulepo uulingilingi tawu longwa kaanilonga yawo ngele wa holoka mo momahala giilonga yawo oshowo okukandula po oompito tadhi vulu oku etitha uupyakadhi wuulilingilingi.

LEAVE A REPLY

Please enter your comment!
Please enter your name here