Omakondombolo otaga li ehete ngula mekopi lyOld Mutual

0
34

Shipi Elago

Oshakati – Ehuliloshiwike ndika oondjila adhihe okuShanangombe sho olweetho lwahugunina lwuudhano waOld Mutual talu ka fumbika onkolo pokapale kemanguluko mOshakati ongula ndji tayi pi ontaku.

Okatanga kokoompadhi oka tegelelwa ka kamone enyakwa epe nuumvo konima sho omusindani gwomvula ya za ko Ekulo SS a ndopa okuthika kedhingoloko lyahugunina.
Gabriel Taapopi oku li a ndjika oonyala mevi nokwa tokola oku ka kondjela ekopi ndyoka ya li ya sindana po omvula ya za ko mokatnga komokambamaba.

Ethigathano ndika hali nana aantu miitopolwa ayihe ine yoshilongo okutala nkene oosikola ndhoka dha kalela po iitopolwa yawo tadhi inika komakombo nonuumvo olyi na oosipana ne dhokatanga kokoompadhi moka Omusati gwu li gwa kalelwa po koShaanika Nashilongo SSS, Oshana Adimba Toivo ya Toivo SSS, Oshikoto Uukule SSS nOhangwena Mwandikange Kaulinge SSS.
Mokatanga komokambamba Gabriel Taapopi oye ta ka kalela po Oshana nokutala ngele genongo ota ga fe tu gongombe opo ya tale ngele ota ya kaleke po ekopi ndyoka ya li ya sindana po omumvo gwa yi.

Ashipala SSS oye ta ka kalela po oshitopolwa shaMusati omanga Oshikoto tashi ka kalelwapo kUukule SSS, yeDr Abraham Iiyambo ta kalele po Ohangwena.

Enyakwa mokatanga komomokambamba nokatanga kokoompadhi ota li ka wayuka mo nokapandi ko 5000, ekopi, eshina lyokwiindjipaleka oombapila,oombandi dhoshingoli,Iizalomwa yina omushangelo gwaOld Mutual, iilongitho yomawudhano, niizalomwa yetanga.
Omutiyali ota ka fadhukapo nokapandi ko 3000, okompiyuta, oombandi dhoshisiliveli, iizalomwa yomawudhano.

Mgoka te keya pehala etitatu ota ka pandulwa nokashona ko 2000, eshina lyoFakisa, iizalomwa ya yomawudhano yina omushangelo gwaOld Mutual noombandi dhoshikushu.

Oshitopolwa shoka ta shi keya pehala etine ota shi ka hekelekwa nokapandi ko 1000, iilongitho yomawudhano, osho wo izalomwa yomawudhano, nomatanga ngoka ga longithwa momukokomoko gwethgigathano ndika.

Old Mutual oku li wo a gamdja omadhewo kaahikihiya mboka ta ya ka wilika uudhano mbuka omadhewo ngoka ya li ya pewa omumvo gwaziko pethimbo lyuudhano mbuka na omvula ndjika ita ya ka pewa omadhewo oshoka omadhewo ngoka ya pewa oha ga kwata oomvula dhontumba.
Ethigathano ndika oli li ta li dhanwa oshikando oshi ti 15 nuumvo konima sho lya li lya dhikwa po na oha li kuthiwa ashike ombinga koosikola dhoka dha yambuka miitopolwa ine yo koNooli yoshilongo.

LEAVE A REPLY

Please enter your comment!
Please enter your name here