Omalolelo gokuya moFirst Dvision ga tseyithwa

0
20

Shipi Elago

Oshakati – Iitayi itatu yoFirst Division moshilongo oyi li metifa okuthitika omwaka ngoka gwa thigwa po koosipana ndhoka dha za mo mooliha dha londa okuya koPremier liha naandhoka dha li dha pewa mo okangola okuya pehulilo lyoshikako sholiha nuumvu.
Oliha yoFirst Division oyi na iitayi itatu ngaashi North west First Division, moka mu na iitopolwa ngaashi Omusati, oshana , Kunene, nOtjozondjupa.

North East First Division oya kwatela mo iitopolwa ngaashi Ohangwena,Kavango East naWest, Zambezi nOshikoto, Southern Stream oya kwatela mo iitopolwa ngaashi Karas , Erongo,khomas,Hardap nOmaheke.

Ehuliloshiwike ndika moshitayi shoNorth East shiti ota ka tekela mbundje sho oosipana ndhoka dha sindana po ooliha dhooSecond Division miitopolwa ya yama koliha ndjoka tadhi ki inika komakombo okutala kutya olye ta ka kutha po omahala ngoka ge li moliha ndjika.

Kantema Bullets FC ota ka patulula okapale naYoung Fighters FC, omanga uudhano uutiyali mOlyomakaya otawu ka kala pokati kEeshoke Chulachula FC naSafile United FC, Bush Bucks ota ki ikwata naKantema Bullets muudhano uutitatu wesiku, omanga muudhano uutine wesiku Young Western Fighters FC ta ka homona Eeshoke Chulachula FC.

Safile United FC ota ka kwata Kantema muudhano uutitano, omanga Eeshoke ta dhi kiikwata na Bush Bucks muudhano uutihahamano.
Nuudhano wa hugunina metihamano ota wu ka kala pokati ka Young Western Fighters FC na Safile FC.

Mosoondaha Safile United ota ka homona Bush Bucks FC omanga Kantema Bullets ta ka homona Eeshoke muudhano uutiyali womosoondaha, nuudhano wahugunina mosoondaha ota wu ka kala pokati ka BushBucks na Young Western Fighters Fc moka oma yoka ga tegelelwa ga kaze momihuya moka oosipana mbali dhoka ta dhi ka yawuka mo dhina iitsa yi li pombanda odho ta dhi ka yelwa oku ya moliha yoNational Wide First Division gaashi ha yi fufupikwa (NWFD).

Iitayi yooliha onkwawo iyali otayi ka kala yina uudhano mehuliloshiwike taliya.

LEAVE A REPLY

Please enter your comment!
Please enter your name here