Omutumba gwevi

0
25

Bob Kandetu

Ayihe oyi li pomahala kombinga yelongekidho lyomutumba omutiyali gwopashigwana gwevi moNamibia. Gwotango ogwa li gwa ningwa mo1991, oomvula 27 dha za ko.

Momutumba ngoka, omatokolo oga li ga pitithwa. Uuna to pulakene komatompathano ngoka ge li miitopolwa ayihe 14 yaNamibia, oto mono kutya omawuvathano ngoka oga li ge na omayityo ga yoolokathana kaakuthimbinga ya yoollokathana osho wo kaakalimo yomoshilongo, nangashingeyi osha palamena aaleli yoshilongo kuyta ayihe itayi ende nawa.

Osho wo mboka ya kanitha evi okupitila muukoloni osho wo eyugo lyevi lya ningwa kaakolonyeki, oya tegelela kutya ope na ethimbo monakuyiwa moNamibia moka taya ka tulwa mevi lyooyinakulu nenge ya pewe evi palwe pwi ili ya tulululwe.
Shika inashi ningwa oshoka opolohalama yomoshilongo yetulululo oya dhilaadhila etulo lyaaNamibia ayehe mboka ya hala evi, ongele ooyinakulu oya kanitha nenge inaya kanitha evi. Shika osha li sha eta ehilathanao, onkene oshilongo ngashiingeyi osha tonyenwa monkalo tayi limbilike ndjoka tayi eta ehilathano.

Ashike natango epangelo olya fa tali nana nondatu okukutha mo omutumba gwevi mondjila nokumona kutya otagu tu etele shike konima.
Pawuyuuki, omutumba gwo 1991 inagu uvaneka etopolululo lyevi gwo inagu uvaneka kutya mboka oofamili dhawo dha kanitha evi otaya talika tango. Ashike edhilaadhilo, ndyoka lyi li mondjila, okuza moshigwana shoka sha kanitha evi osho shika kutya, epangelo otali ka longa pawuyuuki mokutululula nenge okutula Aanamibia mevi lyomoofaalama ndyoka lya landwa kepangelo.

Shika inashi ningwa nomapopyo ga vuka ogo ngaka kutya aantu mboka taya mono uuwanawa mokutulululwa huka oomboka ooyinakulu inaaya kanitha evi. Omapopyo ngaka otaga vulu okukala ge etwa omolwa omapopyo ga ningilwe kutya ngiika uuna pwa kuthwa omusholondondo gwaantu mboka ya mona evi, oshilongo shika otashi ka gwila mokatale kiita yopashigwana.

Mboka ooyinakulu ya kanitha evi, oya kala ye na etimawumbwile neuveko lyawo olyo ndika kutya okutulululuwa otaku ti okutulwa pehala lyontumba natango, ano taku tulululwa aapambele yaamboka ya kanitha evi. Ashike ngaashi oshizemo shomutumba gwotango gwevi, aantu yamwe mboka inaaya kanitha evi oya li ya tulululwa.

Uumbanda mbuka owa nkondopekwa kaaleli yamwepo, mokupopya omashongo ge na sha nepangelo ngaashi edhipago lyaantu, evi lyooyinakulu. Moshipopiwa she shotango mokupopitha oshigwana konima yomahogololo gopashigwana ga zi ko, Presdente Geingob okwa popi kutya ina hala okupopya kombinga yofuto yAanama nAaherero awike, oshoka shoka okwa fa ta popi kombinga yuukwamuhoko.

Ominista ndjoka yi inekelelwa omatulululo gevi oya li ya popi kutya oya limbililwa kaantu taya pula omavi gooyinakulu oshoka kuye shoka okwa fa taku pulwa egaluko lyomahala moka kehe omuhoka gu na mo ehala nogwi ikalela.

Ominista oyo tuu ndjoka oya popya kutya limwe lyomomatompelo aathigona inaya tulululwa olyo ndika kutya itaya ka gwedha ko ongushu keliko lyoshilongo. Omapopyo goludhi nduka kaga li ga taambwa ko nawa moshigwana.

Edhipago lyaantu lyi nyanyaleka nekuthoko lyevi iinima ya kwatathana onkene aantu ya tegelela okutulululwa, kashi shi ashike okugandja evi kukehe ngoka e li hala, moka oyendji sigo ongashingeyi haya zi komavi gooyinakulu.

Omukanda gweuvathano lyomuJuli 1991 otagu ti ngeyi kombinga yevi lyuuthiga: “Manga Namibia a li ina kolonyekwa pehulilo lyomimvo 1800, oongamba dhevi pokati kiigwana moNamibia kadha li dha topolwa dha yela nodha kala nokulunduluka olundji.
Pethimbo lyuukoloni, opwa kala omatembu ogendji. Nomutumba ogwa li gwa hulitha ngeyi kutya ngele taku talika kiinima mbyoka, okutululula aantu momavi gooyinakulu itashi shuwa thiluthilu.

LEAVE A REPLY

Please enter your comment!
Please enter your name here