Oshakati ashihe otashi tsininwa ku kandekwe omalaria

0
24

Victoria kaapanda

OSHAKATI-Aakalimo yomoshitopolwa shaShakati otaya indilwa opo ya longele kumwe naaniilonga mboka taya ka tsinina egumbo kehe, okukeelela omukithi gwomalaria.

Endiki lyuundjolowele nonkalonawa, okwa li lya longekidha okutsinina okuza momasiku okuza mo17 Sepetemba nota ku ka hula mo30 Novemba, nelalakano okukeelela omikithi hadhi etwa koomwe, ngashi malaria.

Aaniilonga mboka taya ka tsinina omagumbo agehe gomOshakati unene moondunda dhokulala otaya ka tsinina wo uundombe womeya wu li popepi nomagumbo, nomiti ndhoka tadhi ka longithi inadhi nika oshiponga onkene aakwashigwana otaya indilwa ya kale taya longele kumwe naaniilonga oshowo nombili nelandulathano.

“Otatu indile moshigwana shi yambidhidhe aanilonga mpoka taya kala inaya tsinina okuya dhimbulukitha nokuya pukulula uuna inaya tsinina po. Longitheni oonete dhoomwe okukeelela omikithi ndhoka hadhi taandelithwa koomwe”. Omugandji gwomawuyelele gwelelo lyondoolopa yaShakati Katarina Kamari osho a ti ngaaka.

Nonando omukithi gwomalaria o gwa li gwa ndhindhilikwa gwa londo omvula ya zi ko sigo opomwalu 87 okuza pomwalu 71 mo2016, nuumvo sigo omomwedhi nguka tu li malalra okwa ndhindhilikwa ashike pomwaalu gu thike 16 moshitopolwa shaShakati.
Moomvula mbali dha piti 2016 sigo 2017 malaria miitopolwa ngaashi Evululuko okwa li pomwaalu 36 kumwe, taku landula Oneshila nOshoopala ye li pomwaalu 25 omanga Kandjengedi a li adhidhilikwa nomwalu 21.

Momalukanda ngoka ga kala ge na uupyakadhi womukithi gwomalaria mOshakati, Kandjengedi oye a ndhindhilikwa e li pevi momwaalu ta landulwa kEvululuko.

Omahala ngoka taga ka tsininwa mOshakati ongaashi, Omahene, Uupindi, Oshikango, Eenhokele, Eemwandi, Ompumbu,Sky, Oshoopala, Ehenye, Oneshila, Okandjengedi, Evululuko, Pohamba oshowo Oshakati shomuuzilo.

LEAVE A REPLY

Please enter your comment!
Please enter your name here