Oshiponga shiihato sha faalela yane omutenya gwaAnkala

0
614

Victoria Kaapanda

Ohangwena- Aantu ye li yane oya li ya hulitha moshiponga shi nyanyaleka shoka sha ningilwa mondjila yopokati kEenhana nOnhuno omutenya gwOmaandaha. Oonakusa oya li ya tongololwa kutya oyo Simon Nekongo (42), Ndamonoghenda Mbekele (38), Paulus Nghishoongele omimvo inaadhi tseyika, nomutine ina tseyika edhina natango.

Omupopiliko gwopolisi moshitopolwa shaHangwena Kaume Iitumba okwa koleke oshiponga shoka , na okwa ti moshiponga omwa li mwa si aantu ye li yane noya li ya hulithile poshiponga mpoka.

Ta hokolola ta ti ohauto yiipundi iheyali ndjoka ya li tayi hingwa komulumentu ngoka kee na omukanda gwokuhinga oya li tayi hingwa mopate onene ndjoka yopokati keEnhanana nOnhuno, sho ya li ya topa okugulu, hoka kwe eta nakuhinga a ndope okupangela oshihauto shi idhenge omutse no mutes nokahauto kokaRunx, moka mwa li aafalelwa mboka yane.

Iitumba ta ti oshiponga shoka osha li oshiponga oshinene oshoka aantu mboka oya li ya pandwa mo mohauto opo ya vule oku kuthwa mo mohauto. Nakuhinga ngoka a li a eta oshiponga okwali a ka mona uuhaku koshipangelo oshinene shepangelo shaShakati.
oshiponga inashi fathana, Itumba ota indile moshigwana, unene momidhingoloko goOshikango, Odibo, Omafo oshowo omikunda dhopopepi shi kwathele opolisi mokulopota omufekelwa ngoka ali a lyata omukupe goomvula 88 nokumatuka po.

“Ngele omwa mono ohauto yo kaloli no nande olwaala no nomola inayi ndhindhilikwa ya etwa okuyogwa nenge okaloli ka siikilwa moongalashe ihe oka mbonyoka kombika kambadhaleni mu kale mwa lopotela opolisi yopopepi”. Itumba ta ti.
Ta hokolola kutya nakusa okwali adhimbululwa onge David Hafenanye, a zile momukunda Oshikango, nokwa li a lyatwa a adhika ta taaguluka opate ndjoka ya za koShikango ya uka kOdibo.

LEAVE A REPLY

Please enter your comment!
Please enter your name here