Esimano lyomuthigululwakalo olyi li peni naanaa?

0
70

Shipi Elago

Oshakati – Uuminisiteli wElongo oshiwike sha za ko owa li wa tyapula oshiwike shomithigululwakalo noonkuluhedhi dhoshigwana, Kundana okwa li a yi moonkundathana naanasikola yamwe mboka ya li ya yamukula kehiyo lyuuministeli okutyapula esiku ndika noku uva ombahu nokawawa nkene yu uvite esimano lyomithigululwakalo.

Katrina Uusizi
Onge okanona okaNambia ondi uvite kutya omithigululwakalo odhili omdhi dhakola moka ngele otwa etha dhi vudhwemo nena ita tu kala tuna omakankameno mokati kiigwana yuuyuni.omithigululwakalo noonkulunkedhi ota dhi ulike nkene onakuziwa aantu yakala no ku ihumbata omaludhi giikulya na nkene ha yi longekidhwa.
Onkene oshi li sha simana oku ninga omawuliko gwomithigululwakalo opo oohiinina ya shuwe onakuziwa noonkulunkedhi dhooyinakulu.

Miinah Irmaly
Moshiwike muka ondi ilonga mo oshindji sha pamba omithigululwakalo, kakele komuthigululwakalo gwetu ondi ilongo wo omithigululwakalo dhomihoko dhayooloka nkene ha ya zala niikulya yawo. Oshi li sha simana oku kwatela po omithigululwakalo oshoka omo mwa enda ookuku nootatekulu yetu.

Rauha Ashipala
Omithigululwakalo noonkuluhedhi odhi li ekota lya kola meputuko lyaantu, omithigululwakalo ohadhi kwathele okumona ondjila ya endwa kookuku notadhi gandja ontseyo ya nkene iinima ya kala ha yi ningwa monakuziwa. Ngele aantu oyatseya omithigululwakalo dhiigwana iikwawo nena antu ota ya kala yena esimanekathano.

Emily Kaulinge
Onge okanona okaNamibia onduuvite kutya opo oshigwana shikale shi shi mpo shuuka nena oshina oku kala shi shi mpo sha za onkene oku pitila mikwaenkulunkedhi aantu ota ya mono ompito yo ku shomonona mpoka ya za na nkene yonale ya kala ha ya lumbu. Ngele ta tu tyapula iituthi yomithigululwakalo otwa dhidhilika kutya iikulya yetu oyo iiwanawa kakuna we na omizalo dhetu odho ashike ta dhi tu pe oshinge tse tu kale wo ta tu dhimbululwa mokati kiigwana iikwetu.

LEAVE A REPLY

Please enter your comment!
Please enter your name here