Okavidio kaEddy Etitano ndika

0
72

Pinehas Nakaziko

WINDHOEK-Omuwiimbi omugundjuka gwoongalo dhoKwaito, Eddie Nakambunda a tseyika nawa moongalo nedhina Eddy-K ota tseyitha noku ulika okavidio kongalo ye ompe yedhina ‘One in a Million’ Etitano ndika moshilandopangelo.

Okavidio haka otaka ka talwa noku ulikwa tango pehala lyokulya nokunwa lyoTornadoes, ndyoka lyi li moWernhil Park.
Eddy-K omuhikingalo ngoka a kala nokushanga noku imba omaimbilo ge oomvula ndatu dha ka pita. Okwa ti ongalo ndjika ‘One in a Million’ oyo yimwe tayi ka kala ya dhenga mbanda moongalo dhe adhihe tadhi ka kala moshipandi shoongalo dhe, shoka tashi ka pitithwa pehulilo lyomvula ndjika.

Eddy-K okwa gwedha po ta ti moalbuma ye oku li nale a imba nomakuya ngoka omanene moongalo ngaashi S-Man, Top Cheri, Exit, King Elegant, Athawise na Ethnix, oku tumbula po ashike yimwe.

Oyendji Eddy-K otaye mutseya nongalo ye ndyoka yedhina Lights On, ndyoka ya kala tayi dhana okambadhala, noyakala methigathano lyoongalo dhoKwaito dhoradio yo Energy FM onga ongalo dhingi uule wethimbo.

Kombinga yoalbuma ye okwati oyo yimwe tayi ka kala yadhenga mbanda ngele tashiya moongalo dhoKwaito, oshoka okuli aningilwa omikwelengendjo kuAndrew, K Ketu, DJ Chronics na Bexa Carter, yamwepo mboka yeli haya ningi omikwelengendjo dhoongalo dhingi moshilando.

Oshiindingili sheuliko lyokavidio haka otashi katameka po hamano yokomatango. Ongalo ndjika okwe yi imba pamwe naKing Elegant naAthawise notayi popi kombinga yo ka kadhona okawaanawa kena omikalo omiwaanawa.

Okavidio okeli kathaanekwa kehangano lyo Mamba Mention.  Poshiindingili shika ota pukaholoka aayithanwi mboka yasimana ngaashi Sandro Ithana, Feelings Nation, Mapps, BlVCBOX Entertainment, 2-Ko naKoxa, Voster anaWIZBLACK, J-Pappy osho wooSMG.

LEAVE A REPLY

Please enter your comment!
Please enter your name here