Oshigongi shevi nashi gandje omayamukulo

0
31

Oshigongi shevi shoka tashi tameke Omaandaha goshiwike tu uka, osha tula oshigwana pondondo mpoka aantu oyendji ya tala noya pulakena nohokwe mokutegelela oshizemo shoshigongi shoka sha tegelelwa shi ete omalunduluko.

Iinenenima mbyoka oshigwana sha tala kuyo nosha tegelela elunduluko oya kwatela mo oshinima shoka sha zi oomvula odhindji konima, shomulandithi a hala nomulandi a hala, sho sha talika ko inaa shi longa, nokwa tengelelwa andola shi talululwe ko ku talike ngele ota pe ke ya omulandu gumle tagu eta elunduluko.

Oshinima oshikwawo oshinima shoka oshipyu natango, shoka opo sha tukuka omasiku ngaka, sho aantu yomihoko dhimwe taya pula ya pewe evi lyooyinakulululwa. Oshinima shika otashi eta omadhilaadhilo gomuule, notashi pula opo ku talike kutya oshinima otashi tsu kumwe ngiini neigidho “lyaNamibia limwe, oshigwana shimwe”, ekutho po lyomavigumbo ndyoka tali pe kehe Omunamibia uuthemba a tungile kehe mpoka a hala, nosho wo eputuko, oshoka omavi ogendji gookukulululwa ngashiingeyi oga ninga po oondoolopa ndhoka dhi li momake goomuni nepangelo.

Oshigwana osha tegelela wo oku uva ethikilo nkene ekandulepo lyomukundu gwokwaana omagumbo tali etwa po.
Mokutala omusholondongo gwomadhina gaamboka ya hiywa koshigongi hoka, otashi ulike kutya iiti otayi ka teka, ashike, omusholondongo ogo tuu ngoka otagu ulike nawa kutya aakuthimbinga mboka oyo naanaa oongudhi naakalelipo yoshigwana mboka taya ka eta po elunduluko ndyoka lya tegelelwa koshigwana.

LEAVE A REPLY

Please enter your comment!
Please enter your name here