Oshiwike shika osha li shiihuna moNamibia

0
769

Komutoolinkundana

WINDHOEK – Oshiwike shika osha li oshiwike shiihuna moshilongo moka iikulumanene tayi zitha omahwilili ya longwa miitopolwa ya yooloka moshilongo.

Oshinima shotango ooshoka oshitalala moka ompadhi yomuntu yi itsuwa konyala ookilometa 23 okuza moRehoboth.
Oshiningwanima shika osha lopotelwa opolisi kuyele oshiwike shika sho Izak Amakuro anuwa i itsu oshilyo shomuntu sha tonyenwa monailona yaShoprite. Uuyelele wa gandjwa kopolisi, Amakuro okwiitsu miihuna mbika sho ali ta zi kofaalala yi li pokati koBanhoff noDordabis. Sho a mono onailona ndjoka okwe yi patulula e ti itsu mompadhi yomuntu taku dhilaadilwa kutya oha zala ongaku yonomola ombali nenge ondatu

Oshikulumuna oshikwao oomoka omunamivo 36 Pafunisia Mwadhina Josua, a tegelelwa a kale mokakuma sho anuwa a fike okanona ka valwa komusamane gwe nomeya ga fuluka, e ka tsu nombele e te ka dhengagula nomwiya.

Mangestalata mOndangwa Toini Shilongo, okwa li a tindile omukiintu nguka opo i ifutile mo mondholongo nota kala mokakuma sigo omomasiku 9 Kotomba 2018 moka ta ka ninga eindilo lyokwiifutila mo. Okanona hoka ke na owala omimvo 10, anuwa oka ningilwa iikulumuna mbika sho anuwa ka tema ogisa yomeya megumbo lyawo pOniipa.

Oshiningwanima oshikwao shaningwa osho shoka okanona komimvo 13 ka teywa okwaako komulongi gwako, kosikola yi li konyala ookilometa 50 okuza poUsakos.

Okanona haka anuwa oka dhengagulwa nongola molwaashoka ka tatula ekende momuhandjo, ethimbo kali taka dhana naanona yakwao. Okanona anuwa sho ka ponokelwa nongola oka kambadhala andola okufadhuka po, ashike omulongiskola ngoka pamwe nomuniilonga gumwe oye ka tidha.

Sho ye ka kwata anuwa oki idenge po e taka yeka okwaako.
Aakuluntu mbaka anuwa oya thigi okanona hoka taka lilagana taka galangata kuuyehame, ihe ina ya kambadhala oku ka pa ekwatho, sigo otaku ka za omulongi gumwe ngoka eye eke ka fala pombete yako, nokonima, sho pwa pita oowili odhindji opo ka ka falwa koshipangelo.
Aakuluntu yokanona hoka kazile koshitopolwa shaHangwena oyo ye ya okupatulula oshipotha shika kopolisi.
Omupopiliko gwopolisi Abner Kaume Itumba okwa koleka oshiningwanima shika.

Oshiwike osho tuu shika omulumentu gwomoKhomasdal Jaco Hendricks, 36, okwa adhika momulamba nolutu lwe lwa mona iihuna a pya noonkondo. Nonando Hendricks okwa hulitha konima ashike sho a falwa koshipangele, ota ku hokolwolwa a li a vula oku gandja edhina lya gumwe gwomwaamboka yemu tomeke omulilo, eli lombwele omupangi, omanga inaa hulitha.
Ngono a popiwa kuHendicks anuwa ogumwe gwomookuume ke ngoka anuwa ya monika taya li okapana pamwe po Single Quarter.
Iikulumuna ayihe mbika oya kolelwa kopolisi.

LEAVE A REPLY

Please enter your comment!
Please enter your name here