PoLüderitz JSS va pewa omapapa

0
36

Tuulikki Abraham

Lüderitz – Ovanafikola ovo ve shi endifa nawa momukokomoko womudo pofikola yoLüderitz Junior Secondary School ova pewa omapapa, mehuliloshivike mosaala yokuongalela pofikola opo tuu opo.

Ovalongwa ovo va longa noudiinini, ongee omo ku lihonga, ile omomaudano, nomoinyangadalwa aishe i na sha nofikola, ovo ve shi endifa nawa ova pewa omapapa, aasho va longa noudiinini momukokomoko womudo, mwa kwatelwa nongudu yolwiimbo yofikola.
Pofikola poLüderitz Junior Secondary School, ope na ondodo 8 no9, eengudu odo di li momufindalongo mupe, oo wa tulwa moilonga okuhovela odula ya dja ko.

Mondodo 8 MIlu Simau oye e ya ponhomola yotete kovanafikola ovo ve shi endifa nawa moule wodula, ta shikulwa kuLotty Shipepe, naau e ya ponhomola onhi 3 oye Gabardt Nankanyala.

Mondondo 9 Rebekka Heelu oye eya ponhomola yotete, yee oye a findanapo epapa lomuhongwa dingi mosfikola ayishe, shaetifwa koupenda oo a kala ta longo noudiinini, okudja odula yaya eshi a li mondodo onhi 8, ndele fiyo odula yoneudo oye eshi endifa nawa. Monhomola onhivali omu na Hileni Haupindi, naSani Shipanga oye e ya ponhomola onhinhatu mondodo onhi 9.
Heelu ina holeka ehafo laye eshi oye a findana po epapa lomuhongwa dingi 2018 pofikola opo. Nomahodi taa kunguluka kolupanda, Heelu okwa tumbula kutya oshe mu pula elididimiko nelitulemo, okudja odula ya ya ndele fiyo odula yoneudo, ashike okwa udaneka ta pula komesho, opo a ka yangatepo vali epapa loludi eli mondodo 12.

Heelu, oo e na omafaneko okuke lihongela okushinga eedila, okwa twa omukumo ovanafikola vakwao vaha fye ounye, ndele ve litulemo melihingo lavo opo va dule okuhanga eendjodifaneko davo.

Omulongwa womondodo onhi 8 Sipho Andreas oye a pewa epapa lomoshimhungu shokutomhafana 2018, omanga Mansueta Aluvilu, Penondaadhi Nekundi, Eva Nongebda naTreasure Alao vapewa epapa mounongononi.

Mondodo onhi 9 Monre Bock naPhillipus Shipulwa ovo va pewa epapa lounongononi. Elgira Hummel oye a pewa epapa loudano kovakainhu dingi, omanga Josua Smith oye a pewa epapa loudano kovalumenhu dingi.
Ovanafikola ovo va kala mongudulwiimbo lofikola, navo yoo ova pewa omapapa avo novalongwa ovo va kala ovakwateli komesho vavakwao pofikola, oule wodula 2018 navo yoo ova pewa omamapapa.

LEAVE A REPLY

Please enter your comment!
Please enter your name here