Eefaabulika deeshi dohake da pata manga oule womwedi

0
45

Tuulikki Abraham

Lüderitz – Eefaabulika adishe moNamibia hadi kwata eeshi doludi lohake oda pata manga oule wohani okuhovela mu 3 Kotomba fiyo omu 8 Novemba 2018.

Paenghundafana odo nda ninga nomunambelewa oo e lile po oshikondo shokulonga eeshi moNovaNam moLuderitz Manu Namukomba, okwa fatulula kutya , omulandu wa tya ngaha, owa tulilwe moilonga koumiunisteli weeshi needjo domefuta modula 2006. Nomulandu w atya ngaha owa tulilwapo ash ke eefablika odo hadi kwata eeshi doludi lohake , omanga ovo hava kwa ta eeshi doludi lomonk nomaludi amwepo inava kwatelwa mepato loludi eli.

Namukomba okwa twikila nokuyelifa kutya omulandu ou wokupata eefaabulika deeshi oule wohani , owa ningwa nelalakano opo eeshi di mone omhito yokufuda da manguluka , opo yoo di dule okuhapupala nemanguluko. Ovanambelewa ovo ashike ve li moilonga omanga aveshe ovo hava longo mefuta okuyula eeshi naavo have ya okudi longa nokudiwapaleka ova pata manga oule wohani, navahapu vo muvo ovalonda nale eebesha va ya keenhele neenhele davo va ka fude po.

Omukalo wokulondeka eebesha shito okudja moLuderitz okuya konooli yoshilongo, eebesha ohadi di mo ashike ongula yEtivali loshivike keshe , oshoyo ongula yEtitano keshe, neebesa hadihapu naana hadi uya ko kombinga ei, ashike oshivike sha ya eebesha dihapu oda li de uya koLuderitz okututa ovanailonga ovo hava longo meefabulika, neebesha oda li tadilondeke ongula nonguloshi, ovanailonga ovo tava i komafudo omolwe pato leefablika deeshi odo di li moLuderitz, ngaashi ofaabulika yaPescanova oyo I na ovanailonga vahapu , novanailonga vaSeaflower oshoyo ovanailonga mofaabulika yaMarco fishing .

Odoolopa yaLuderitz ovakalimo vahapu vomuvo ,ove li ovanailonga meefaabulika dokukwata eeshi, onghene ngaashi shili omukalondjiikilile paife , ok hovela modula 2006, omo eefablika da hovela okupata oule womwedi, odoolopa yaLuderitz otaishi ulike nale kutya omalinyengo ovakalimo okwa shuna pedu , onghene novanangesheva modoolopa ova didilika kutya eengeshefa davo muKotomba ihadi shi endifa naana nawa okuyelekanifa neemwedi dikwao odo ovanailonga veefaabulika ve li modoolopa.

Manu Namukomba oku li yoo omunashipundi wehangano lovanangeshefa moLuderitz, okwa koleka kutya efimbo eli laKotomba oli li eshongo lakula kovanangeshefa modoolopa , neengeshefa dihapu modoolopa ohadi nane noudjuu, omolwa ovanilonga vahapu vo meefabulika dokukwata eeshi, efimbo eli lepato hava piti mo modoolopa nokuya keenhele neenhele doshilongo opo va ka fude po.

LEAVE A REPLY

Please enter your comment!
Please enter your name here