Einekelo kali mo mokati ketu

0
53

Victoria Kaapanda

Olushandja – Ngoloneya gwoshitopolwa shaMusati Erginus Endjala okwa popi ta ti kamu na eyinekelo mokati kAanambia, ndhono okwe dhi popi mesiku lyiiyimati niikwamboga ndyoka lya li lya dhanenwa kOlushandja koshikandjohogololo shaNesi moshitopolwa shaMusati.
Endjala ta ti ope na uupyakadhi uunene Pokati kaanafalama naanangeshefa Aanamibia, aanafalama otaya nyenyeta kutya aanangeshefa inaya hala okulanda iiyimati niikwamboga yawo oshoka kayi li pangushu ndjoka ya hala, ihe ohaya landa kondje yoshilingo.

“Onga omunangeshefa nangoye owu na okuninga onkambadhala opo wu longele kumwe nomunafaalama, ngaashi oku mu pa omalongo nkenee na okweeta po iikwamboga niiyimati yi na ongushu, mbyoka wa hala nenge to pumbwa. Endjala ta ti ngaaka.
Ta gwedha po ta ti itashi ti kutya ngele omunafaalama ita eta po shoka wa tegelela, nena ito vulu okutunga uukumwe naye, elongelokumwe neuvathano olyo ashike lya pumbiwa pokati komunafaalama nomunangeshefa, shi vulithe iimaliwa tayi piti moshilongo peha lyokuyikaleka mo.

Enanathano ndyoka nali hule, aanangeshefa naya tameke okupa anafaalama okontalaka pamukalo gu li ngaaka otaya paathana iilonga, shi vulithe iiyimati niikwamboka tayi hepa nokuninga nayi yo tayi ekelwahi.

Omunafaalama ngoka a li a sindana onge omunafalama ha longo nuudhigiginini mokangundu okashona Eilo Tulimegamano Amashili, gwofaalama tayi ithanwa “ATAE Farm” okwa ti oku uvite ombili nuuntsa sho e shi pondola . Amashali ta ti oshikunino she shoka a li e shi tameke momumvo 2013 kashi na oshikwamboga sha thigako, onkene ota tsikile oku longa nuudhiginini opo omvula ta yiya natango a sindane. Kobus Coetzee gwshikunino Bombay Farm moTsumeb, okwa li a sindana ha longo nudhiginini mokangundu kiikunino iinene omanga Louis Louw gwoshikunino Oikos farm/Stampriet e shi enditha nawa mokangundu kopokati. Marius Swemmer gwoGo Fresh Swakopmund okwa sindana onga omunangeshefa dhingi.

LEAVE A REPLY

Please enter your comment!
Please enter your name here