Ngoka a li a hala okuhahala omukulupe a pewa ombooloha

0
111

Victoria Kaapanda

ONDANGWA – Omukiintu gwoomvula dhopokati Selma Anguku, ngoka ta tamekelwa okukuthila omukulupe eketana konima sho ya li ya nyenyeta, okwa li a pewa ompito yeyifutilemo mEtiyali lyoshiwike shika.

Anguku okwa li a holoka mompangu yopevi mOndangwa komeho gwomupanguli Rheent Iige nokwa li e mu pe eyifutilemo lyooN$ 1000, noku mu pa omalandulathano ngono e na okuvilika kugo, ta ti na kale a za mo megumbo lyomukulupe, ye ine mu piyaganeka oshowo ina za mo moshitopolwa shaNdangwa ina ilopota kopolisi.

Omukulupe ngoka a li a kuthilwa ekatana, Lukas Nangolo , 56, a yambukile mokunda Epumbu, Onakazizi moNdonga, moonkundathana nonzonkundaneki ndjika okwa popi kutya ye okwa li a popi nomutekulu gwe Selma gwomushona, kutya oye ashike he mukwathele kapena we gumwe megumbo.

Ta hokolola kutya Anguku (Selma gwomukuluntu) okwi idhopo ashike moohapu dhe ihe kakwa li ta popi naye okwa li ta popi nomutekulu gwe, ihe okwa mono ashike Anguku e ya pondunda ye a hwama kutya ote mu dhenge.

Nangolo ngoka e li noshitenya she Anguku okwa li a lombwele ompangu kutya ina pumbwa Anguku megumbo lye we, ngele ota pewa eyifutilemo na pewe ashike hakegumbo lye a uka ngele a a zi mondholongo.

LEAVE A REPLY

Please enter your comment!
Please enter your name here