Omavi gwoonkulululwa taga konaakonwa mpanga

0
13

Loide Jason

WINDHOEK – Oshingongi shevi shoka sha li sha gongalele moshilandopangelo moWindhoek oshiwike sha zi ko osha li sha tokola kutya napu totwe okangundu komupresidente hoka taka ka ninga omapekaapeko shi na sha nomavi gwoonkulululwa.
Mbaka aniwa otaya kasinanana kutya omihoko dhini ndhoka dha kanitha omavi gwoonkulululwa nodha kanitha ngiini.
Okangundu oko tuu hoka otaka ka tala woo kutya evi lyi thike peni lya kanithwa .

Oshiwike sha zi ko omundohotola Ngaritjituke Tjiriange okwa ti kutya aantu naya tambule ko ashike kehe mpoka taya topolelwa evi oshoka omavi gamwe oga gama komihoko dhimwe shili ihe itaga vulu oku gandjwa kudho oshoka oge na nale aantu yomihoko adhihe .
Tjiriange okwa li ta popi poshiluku shi na sha nomavi gaakwampungu shoka sha li tashi kundathanwa moshigongi oshinene shevi shopashigwana shoka sha unganekwa kepangelo moshilandopangelo moWindhoek.

Shika osho oshigongi oshitiyali shopashigwana shoka tashi kundathana evi nkene oshilongo sha manguluka .
Ashike omundohotola Tjiriange okwa hokolola kutya mboka taya kondjitha omavi ngoka gwoonkulululwa inaya ga kondjitha kombanda yaantu oshoka otashi ka kala oshidhigu okugandja evi ngaashi.

“Ovenduka evi lya kala lyAaherero nAadamara onkene ngele olya shuna kwaamboka ya yama kaakwampungu otali pewa lye? Naamboka yeli mo ongiini ? Ngele evi olya yama kungoye itashi ti kutya opo ashike kala pevi mpoka. Itashi longo ngaaka,” osho Tjiriange a ti ngaaka.

Okwa gandja wo oshiholelwa kutya kapu na omuntu to tula kumwe oshinima inashi topoka. Oto tula ashike oshinima kumwe ngele sha topoka omanga sha li shi li kumwe nale. Ano tati kutya ngele owa tulula aantu komavi ngoka ya yama nena otahsi kalonga ngiini kumboka kayena.

Tjiriange okwa ti evi ngele oli na nale aantu mboka ye li mo itashi ti aantu mboka naya tidhwe po oshoka ooyene yevi oya hala oku tulululwa, otati mboka kayena evi ndele pevi lyaakwampungu lyawo opuna ompito naya pewe evi ndyoka ihe ngele kapuna naye pewe kehe mpoka puna ompito okehe ashike moNamibia.

Nguka apyokoka nawa mokupopya oshipopiwa shayama kevi okwa hokolola kutya ngele epangelo olya tokola oku landa evi opo li tululule aantu nali gandje evi kwaamboka kayena.

“ Itashi ti kutya ngele otwa yama kevi limwe na tutululwe ashike pamwe . shoka kasha longa aantu naya ta mbulekon kutya kehe evi olili ashike nawa nolukalwa. Itashi ti kutya ngele owa yama kevi ndyoka nena tongola mboka inaya yama kulyo ,” okwa popi dhika sho agandja egooko lye koshipopiwa shomavi guuthiga.

Ngele otwa tokola kutya keshe omuntu na zkale ashike a tululwa nenge eli mpoka puna zoombila dhooyinakululula noohekululwa nena shoka kasha longa oshoka pomavi gamwe mpoka opuna nale aantu.

Okwa hokolola woo kutya naye yemwene okwa landa ofaalama moka woo muna eyendo keshi kutya olya le onkee shoka oshidhigu oku tembutha po omuntu molwa omayendo gwoonkululula.

“ Tse natse ofamila yetu oyina eyendo lyaakwampungu yetu lili mofaalama yomuntu I ili ashike shoka twa ninga otwa tula po ashike eyendo nedhidhiliko ihe ita tu vulu oku tidha po omuntu ngoka oye mwene gothaalama ndjoka. Oshoka otuna nale omavi,” osho a hokolola ngaaka.

Omavi ngaka oga kundathanwa unene kaapopi mboka oyo ya pyokoka musho Fanuel Kaapama naye okwa hokola kutya ngele otashi ya pomavi goonkulula oshinima shoka oshinene oshoka ngashingeyi aantu oyendji ngashingeyi oyeli pomavi ga yooloka ngele kehe yamwe oyayi pomavi gaakwampungu nena shoka itashi ka longa.

Kaapama okwati kutya aakolonyeki oyendji nawo oyali ya tula po omakotampango gevi gayooloka ngoka wo ga etitha aantu ya lunduluke pomahala gayooloka. Okwati kutya mboka ya kutha ombinga mekondjelomanguluko oyali taya kondjele evi lyaakwampungu opo ye li mone ngele oshilongo sha manguluka.

“ Aantu oyendji ngashingeyi otaya popi ashike evi lyafa lya kana pethimbo German ali ta kolonyeke oshilongo ihe olya kana woo nopethimbo South Africa ali ta kolonyeke oshilongo. Mpoka evi ndyoka lyali lya kuthwa ko keembulu lya ya kuSouth Africa,” osho Kaapama a hokolola ngaaka.

LEAVE A REPLY

Please enter your comment!
Please enter your name here