Oshituthi shopamuthigululwakalo shoNKO sha enda nawa

0
14

Pinehas Nakaziko

WINDHOEK-Ongundu yaNakapandi Koikuti Onghwalukuwa (NKO) ndjoka hayi longekidha oshituthi shopamuthigululwakalo kehe omvula mOkahandja osho ya dhana nawa oshituthi shawo shokomumvo ehuliloshiwike lya piti shoka sha enda kolutenda.

Shika osho oshikando shotango oshiindingili shika tashi dhanenwa posikola yelongo yoFive Rand. Oongundu dhopamuthigululwakalo dha adha puheyali odha li dha holoka okunyanyukwa pamwe noku ulika uunongo wawo, mokwa mwa li mwa kwatelwa engathithi lyaatali oyendji. Oongundu ndatu ndhoka dha li dha holoka odha za kosikola yoNau-Aib, yimwe okoFive Rand omanga mbali okuza koNKO.
Kakele kwaashoka, okwa li ishewe kwa holoka oongundu oonkwawo dha za molukanda lwoFive Rand, ndhoka dha li tadhi shi enditha nawa. Oshiindingilli shoNKO okwa li ishewe shi na aakalimo mboka ya za kehangano lyoAmitof Care Center, mboka ya li taya ulike uunongo wawo woKarate.

Shika oshiindingili kwa li sha yoolokathana kiikwawo mbyoka ya kala nokudhana oomvula dha piti, oshoka oongundu dhopamuthigululwakalo okwa li dha pewa ompito ombwaanawa yokulanditha iikulya niikunwa, yo ya vule okusindana nokumona iihohela ya gwedhwapo.

Oongundu adhihe odha li dha ningi iimaliwa yawo yoyene, kakele koAmitof ndjoka ya li ya gandja iimaliwa mbyoka ya landitha kosikola yoFive Rand ya adha pooN$610, nelalakano okuhumitha komeho elongo lyawo.
Oshituthi shika okwa li sha mono ekwatho lyopashimaliwa okuza koBricks mOkahandja, Five Rand Camp, Pacon nehangano lyuunkulungu moNamibia.

Elalakano lyoshituhti shika okwa li oku ulika uunongo moshilongo, noku taandelitha uunkulungu nomuthigululwakaloo dhayoolokathan koongundu oonkwawo. Kakele kwaashoka, elalakano okwali ishewe oku ulika uunongo nomithigululwakalo dhayoolokathana moshilongo.
Ongundu ndjika yo NKO oyo yimwe yili tayi londo ya uka pomuthika gwopombanda, noyili tayi ithana omahangano omanene opo ga holoke go ha tameke okuyambidhidha oshituhti shika opo shikale shadhenga mbanda kehe omvula.

LEAVE A REPLY

Please enter your comment!
Please enter your name here