Ya dhimbulukwa esiku lyomadhiladhilo gaza pehala

0
34

Victoria Kaapanda

OSHAKATI-Esiku lyomadhiladhilo ga za pehala muuyuni “World Mental Health Day” olya li lya dhimbulukiwa kaakalimo yomondoolopa yaShakati moshitopolwa shaShana, poYetu Complex mEtitatu.

Esiku ndyono olya li lya gongaleke aakwashigwana oyendji yomondolopa yaShakati, ya kwatelwa komeho koondohotola, aapangi oshowo aalongwapangi.

Oshituthidhimbulutho shono okwa li oshikando 26, okuza momvo 1992 nohashi dhimbulukiwa aluhe momasiku 10 Kotombar gomumvo kehe, nelalakano lyokuuvitha ko aakwashigwana kutya omukithi gwomadhilaadhilo ga za pehala ohagu vulu okupangwa, naamboka ya kwata komukithi gu li ngaka oya talika ko onge aantu ngaashi aantu yakwawo.

Omundohotola, omupehakuluntu gwoshipangelo oshinene shepangelo shaShakati K.V.Amutenya okw ali a popi kutya omikithi ngashi naana ngono ohagu holoka unene maanyasha, pethimbo taya koko okuza momapipi omashona okuya mopapi gopokati, sho oonkalamwenyo dhawo tadhi lunduluka shi ikolela komawukwatya gontumba.

“omadhiladhilo gaa li nenge ga za pehala momapipi ngoka nenge maanyasha ohaga etwa unene kiingangamithi, ehalakano lyaakwanezimo, uuthiga, okuthiminikilwa ohombo noshotu. Ayihe mbyoka ohayi vulu okukutha omadhiladhilo gomuntu pehala”. Amutenya ta ti .
Mayola gondolopa yaShakati Angelius N Iiyambo, ngoka kwa li omupopi gwesiku a simana, okwa ti esiku ndyoka olya pumbwa okusimanekwa nokutalika ko onge esiku lyokugandja omalongo, okuuvako oshowo okuyambulapo undjololowele mokati koshigwana.
“Onda ndhidhilike kutya uupyakadhi womomadhiladhilo ohawu vulu wo oku etwa komawupyakadhi ge li momagumbo, emono lyiihuna, oshowo oondjo dhu uka pombanda”. Iiyambo ta ti ngaaka.

Gumwe ngoka e li omunuuvu gwomukithi gu li ngaka, okwa li a a popi nkene a kala ta lumbu nomukithi ngoka, Johannes Endjala omunangeshefa kuye mwene nokwa ti omukithi gwomadhiladhilo ga za pehala ogwali gwe mu adha momumvo 1997.
Ta gwedha po ta ti okwa kala nokudhiginina omiti dhe, nomwedhi gwa za ko okwa li a lombwelwa kundohotola kutya ngaashingeyi oku li nawa nokwa pumbwa oku etha omiti.

Okwa li a kumagidha aakwashigwana ta ti ngele ope na ngoka e li muupyakadhi wa tya ngaaka, na dhiginine omiti dhe, na ikaleke kokule ningangamithi oshowo omalovu, ta ti ngele wa iyutha komalandulathano gomiti nena oto kala nawa.

LEAVE A REPLY

Please enter your comment!
Please enter your name here