Otjihungiriro tjOtjiṱiro Otjindjandja tja Manuka nu ngunda omambo tjiva inga ama yetja nao nu aye hi ya pora otja motjinyo tjomuini Operesidenda yOkehi, Netumbo Nandi-Ndaitwah, otjihungiriro tji na ye omuini.

Katjisupi oruhindo rovaungure vohoromende ndu ungura noviuṋe vOtjiṱiro otjindjandja mbi mavi hepa ounongo nondjiviro yapeke, vya zire kEhi rOvandoitji. Otja kuwo ku vya kaserurire nokutwako otjikamo konyungu. Otja ku umwe wovaungure imba Freddy Nguvauva tja hungirire ku Keetute yOmurari wOndjivisiro Ombaranga oritjatano nda zuko omayuva tji ya ri 14 komueze mbwi. Posi ya mOkahandja omayuva womasuviro tjingeyo womazemburukiro oyetja 128 yonḓiro yomunane wOvambanderu, ondangere Hiakungairi, Nandi-Ndaitwah wa tjere otjihungiriro tjiri momberoo ye. 

Nandi-Ndaitwah  wa yauza uriri kutja nambano eye otja tja rire Operesidenda yOkehi, nambano Otjitiro Otjinndjandja tji na ye otja ngwa yarukire moruveze rwa Nongo Nangolo Mbumba otjo Peresidenda yOkehi. Nandi-Ndaitwah Opa isanene ombongarero yovanane vombazu tji ye ri 27 komueze mbwi, ndiri Oritjaine ndi mari yende. “Okutyasana” novanane vombazu voviwaṋa mbya ihamisiwa i yOtjiṱiro Otjindjandja tjo 1904-1908.  

Otja kozondjamba ombura ndji mu Tengarindi otja kozohoromende azeembari, ya Namibia, nOyehi rOvandoitji, otji za sere kutja za twa ko omunwe kembo ku ndji kuza Oruyano poo Ongutiro yAavehe, Joint Declaration yo 2021 pokati ka Namibia nEhi rOvandoitji. Ndwa kutwa i yovahindwa vapeke vomahi nga, Onongo omuyaruke Zed Ngavirue, ngwaa kuramenepo Onamibia, na Ruprech Polenz, ngwa kuramenepo Ehi rOvandoitji. Nga kundindo ndi, Oruyano poo Ongutasaneno yAavehe indji ngaa ya twara onḓera meyuru ngahino okuiiri maai ye kurira pehi kangamwa oruveze otja kovaungure tjiva.

 Ngunda otja ku Nandi-Ndaitwah otjihungiriro atji na ye kutja ootjiṋe nambano?

Ngunda aperi nao NNN wa raisa kutja nandarire mo mambo mokati kotjiwana nge nyungutura ohoromended kanaa irandisa ongurameno yayo yOtjiṱiro Otjindjandja. “Aruhe mbitja, nu me yarukapo rukuao imba, Otjitiro Otjindjandja Ovandoitji tji va tjita kOvaherero, Ovambanderu nOvakuena tjari otjihina mbinḓu komutima mu avihe notjina otjiyaukise tji tja tjitirue ku kangamua otjiwaṋa me serewondo oritja 20.”