Omukunda gwedhina Stekerspruit ogwa li gwa kumwa mOlyomakaya sho efumviko lyaTshekede Pitso olyo lya li lya kwata ko aantu ayehe. Aantu oya li ya tala ko sho Pitso, a zalewa iikutu iitokele, a li a kaatumbikwa kombinnga yosteelinga yohauto ye ndjoka  e hole noonkondo yoMercedez Benz ndjoka ya li ya nanenwa komawendo. Pitso okwa kala e na ondjuulukwe yokufumvikwa mohauto ye ndjoka e hole. Efumviko ndika olaya li lya dhimbitha aantu oyendji kombinga yepato lyoshilongo nolya li olyo tali popiwa kukehe gumwe. 
Omuleli gwo-UDM Bantu Hlomisa kepandja lye lyoTwitter komalungula okwa ti: “Otandi gandja omahekeleko gandje kofamili, aapambele, ookuume osho wo iilyo yo-UDM. Otatu pandula Pitso kwaayihe mbyoka a ningile o-UDM. Onda li ndu uka kefumviko lye ohela, ashike iizemo yomusita Meshoe yoCoronavirus oya lundulula iinima ayihe.”

Mfundo Nqata Bongela okwa li a shanga kepandja lye kutya Sterkspruit itayi kala we ya faathana.
“Omulumentu omufuuli okwa hulitha. Inandi kumwa nando sho a ti okwa hala okufumvikwa mehauto lyoye ndyoka wa kala wu hole lyoMercedez Benz,” ta ti ngaaka. Rian Van Langoed okwa li a komenda ta ti “ “Ondi inekela okwa tegelalela okuhinga Jesus sho ta ka galuka.”