Omukanda gwokumanga po amushangandjayi gwo-ANC Ace Magashule oya gandjwa shin a sha noteendela yoomiliona R255 moFree State. Hawks oya li ya koleke kutya Magashule okwa tegelelwa a ka holoke mompangu moBloemfontein mEtitano. Omupopiliko gwoHawks moFree State Lynda Steyn okwa li a koleke koshikundaneki shoTimesLIVE kutya omukanda nguka ogwa shainwa. Ashike okwa ti sigo oompaka Magashule ine gu pewa natango. “Eeno otatu koleke kutya otwa gandja omukanda goku mu manga po. Ogwa shainwa komukuluntu gwomapoangulu moFree State,” Styn ta ti ngaaka. Ta ti omukanda nguka gwemangepo ogu na sha noteendela yontumba ndjoka ya mono aantu yaheyali ya mangwa po, mwa kwatelwa omunangeshefa Edwin Sodi. Okwa tegelelwa ya holoke mompangu yaBloemfontein nena mEtitatu. –TimesLIVE