WINDHOEK - Oshiputudhilo shoka hashi ungaunga nokudhimbulula noshowo okunkondopaleka oonzapo dhiiputudhilo yopombanda moshilongo, NQA osha shayina omukanda ngoka tagu nkondopaleke ongushu nedhimbululo lyoonzapo dhelongo lyopombanda moshilongo .

Omukanda nguka ogwa li gwa shayinwa mEtitatu lyoshiwike shika  pokati kaNQA noshiputudhilo shaUnam.
Omukanda ogwo tuu nguka ngashingeyi ogu li woo nduno gwa kwatelwa komeho koUNESCO noshiputudhilo shaChina. Noprojeka ndjika otayi ithanwa nduno UNESCO-Shenzhen shoka nduno tashi kala tashi gandja omadheulo ga pyokoka nawa.

Ngoka a li gumwe gwomoontaliyisho ndhoka dha li poshituthi shoka ominista yelongo yiiputudhilo yopombanda Itah Kandji- Murangi ngoka a hokola kutya okwa ti mboka yena oshinakugwanitha shokungushupaleka elongo lyopombanda naya kale ya mona kutya ongushu ndjika otayi longithwa kaanasikola , aagandji yiilonga noshowo oshilongo ashihe koonono.
Okwa hokolola kutya ongushu ndjika nayi nkondopalekwe okuza kiiputudhilo pombanda onkene nokuli mbyoka ya pumbwa okukala yi na omayithano a gahe ga dhimbululwa kepangelo.

“Aayilongi yetu naya mane eilongo nongushu yelongo noshowo oonzapo dholela opo ya ninge omalunduluko moshilongo yo woo taya vulu oku longa muuyuni ihe kashishi moNamibia ashike. Onkee ngashingeyi otandi indile oonzapo dhoka dhikale dha dhimbululwa ,” osho minister a hokolola ngaaka.

Okwa tsikile ko kutya mboka ya dheulwa tango moprojeka ndjika ngashingeyi oya mana omweedhi gwa zako onkene  ta ti kutya mbaka  inaya kala ashike nuunongo ye wu siikilila ihe naye wu longithe e taye wu andjaganitha opo ku kale kwa ndhindhilikwa kutya Namibia okwa pititha aailongi dhoka mboka taya kutha ombinga megandjo lyuunongo osho wo uuwanawa woshigwana.

Omukalelipo gwaChina papolitika ye oku li wo omupehamutse gwawo moNamibia  Yang Jun  okwa hokolola kutya ongushupaleko yelongo oshinima sha simana momudhiongoloko gwelongo oshoka elongo olyo oshipatululo shehumo komeho moshilongo.