Opolisi yaNamibia oshiwike shika oya li ya lalekathana nagumwe gwomaakuluntu yopolisi, Commissioner Hophni Hamufungu ngoka ta thigi po iilonga mbyoka yoshikondo shegameno. Hamufungu okwa li a wayimine opolisi mo1996 nonkatu yuuInspekta moshikondo shomakwatathano koombonge oonene dhopolisi. Omukuluntu gwopolisi yaNamibia Sebastian Ndeitunga okwa fatulula uukwatya waNdeitunga ongangoka a za onta ngele tashi ya komalaka nomukalo gwomakwatathano ogwa etela opolisi esindano momakwatathano gawo meni nokondje yoshilongo.
Hamufungu, ngoka a longa poonkatu dhi ili nodhi ili mopolisi, okwa li wa a tuminwa koAngola onga omukalelipo gwopolisi, ta longele pombelewa yomukalelipo gwaNamibia mOndjiva, moka a kala ta longo miitopolwa yaAngola yokuumbugantu, Cunene, Huila noNamibe.
Hoka okwa kala ko uule woomvula ntano, okuza mo2010-2015.
“Iilonga ye miitopolwa mbyoka oya li ya pupaleke onkalo yAanamibia mboka ya kala nokutaalela omashongo omanene moshilongo shoka oshimwameme,” Ndeitunga ta ti ngaaka.
Sho Hamufungu a galuka ketumo lye, okwa li a yelwaayelwa popoosa ndjoka a kala nayo sigo ta yi moshipundi shevululuko.