Bamako – Omupresidente omukulu gwaMali Amadou Toumani Toure, ngoka a li a lele oshilongo noku shi tula muu8demokoli uule woomvula omulongo manga a li inaa umbwa ko kokuu, okwa sila moTurkey mepipi lyomimvo 72, oshilyo shofamili tashi ti ngaaka nondokotola wo yimwe oye shi koleka mEtiyali.

“Toure okwa si okupendukila Etiyali moTurkey,” hoka a li a falwa molwa uunkundi, osho omutekulu gwe Oumar Toure a li a lombwele oshikundaneki sho-AFP ngaaka. Omundokotola moBamako okwa ti omuleli omukulu okwa li a tandwa omutima moshilando moLuxembourg Hospital, shoka a li a kwathele okutunga.

Nonando ayihe ya li tayi monika yi li nawa, Toure okwa li a tuminwa koTurkey konima molwuunkundi, ondokotola tayi ti. 
“Okwa li hayi olundji nondhila koTurkey, omupya omunene okwa ka sila ko.
Toure ngoka a li omukwiita okwa li a lele oshilongo uule womvula yimwe mo1991, a li a kwathele oku umba ko epangelo lyaMoussa Traore ngoka a kala koshipundi okuza mo1968.

Okwa li a kwatele komeho epangelo lyopakathimbo konima yokuu, nokwa li a longo iilonga yomutse gwoshilongo noku wilika oshilongo shi ninge omahogololo, ngoka ga li ga sindanwa kuAlpha Oumar Konare mo1992, omupresidente gwotango a hogololwa paudemokoli moMali konima yemanguluko.

A tseyika nawa muuyuni noshilukadhina ATT, Toure okwa li a sindana omahogololo gopaupresidente mo2002 nomo2007. Ashike mo2012 okwa li a umbwa ko koshipundi kaakwiita mboka ya li ya ti okwa ndopa okuyayambidhidha okukondjitha oolebele osho aatsindumbo nepangelo.
Evundakano ndyoka lya landula olya li lya hanagula oshindji, nomilitali yaMali kayi na oonkondo oku eta po elandulathano. Oolebele odha kala nokutyakaleka muumbangalantu woshilongo, sigo shod ha shunithwa monima sho France a idhopo mo.

Oolebele odha li dha totulula nokuya mondingandinga yoshilongo, moka ya li ya hwahwameko omadhipago guukwamuhoko, noya li ya zi mo ya yi miishiindalongo Burkina Faso naNiger. Aantu omathele oya sila miikolokosha mbyoka, nomayovi oya tauka omagumbo gawo.
MuAguste nuumvo, epandja epe olya li lya patululwa moMali sho omilitali ya li ya umbu koshipundi omupresidente Ibrahim Boubacar Keita, konima yomahololodhilaadhilo ga kwata miiti.
Aakwiita yamwe mboka ya ningi okuuu ndjika oyo wo ya li ya umbu ko Toure koshipundi, mwa kwatelwa omupevi gwepangelo lyopaife Colonel Malick Daw.
-Nampa/AFP