WINDHOEK - Ovalumenhu vavali veedula 18 ovo taku fekelwa kutya vati ova dipaa omunamido 30, Christof Frederik ova nyenwa omhito yokulifutila mo modolongo.

Otaku fekelwa kutya Elias Namwandi naMervin Lele Beukeus ova dipaa Frederik edipao linyanyaleka eshi ve mu twa neembele dihapu, noku mu teta olyo yaye yopaidalofo, tave i mu tenheke monhulo. 

Oshiningwanima osha ningwa kolukanda Otjomuise oshivike sha djako.

Vamwe otava  fekele omulumenhu oo a dapawa molwa outondwe shaashi a li eshenge, nokwali eli tala ko kutya ye omukainhu. 

Eshi va holoka momhangu yaKatutura moWindhoek onghela, ovatamanekwa ava ova enyenwa elifutilomo noshibofa shavo osha undulilwa komafiku 31 Juli 2024 opo ku yandjwe omhito kopolifi i ninge omakonakono omoule.

Otava pangululilwa oshibofa shedipawo noshoyo shokulongela oushada olutu lomumenhu ou.

Ota ku hokololwa kutya omulumenhu ou okwe li tuwa momulamba komukwashiwa kwa li ta ende ponhele opo.

Ovatamanekwa ova kwatwa konima eshi opolifi oya longela kumwe noshiwana okuyandja ouyelele kombinga youmatyona ava.

Okamatyona kamwe oka kwatwa po Olomakaya moWinndhoek, omanga kakwao oka kwatelwa kodoolopa yaSwakopmund Osoondaxa.

Efiku ovatamanekwa va holoka momhangu, ofamili yoFrederik oya pula oshibofa shi pangulwe pauyuuki.

-fhamalwa@nepc.com.na